بيننا مجرم

الجزء السابع عشر - بيننا مجرم

طلع الدكتور من غرفه العمليات

 
نهيان : ها دكتور

( الدكتور يرمس انجليزي و يرمسونه انجليزي بعد )

الدكتور : بذلنا كل جهدنا بس للاسف المريض عطاكم عمره

نشت حصه من مكانها

 
حصه : كيف...كيف يعني

ام نهيان : حصوه تعالي حبيبتي يلسي

حصه : كيف يعني ماما تسمعينه ش يقول؟

شيخه : حصوه حبيبتي كل شي مكتوب تعالي انتي هدي

زايد : لا لا اكيد مغلطين ف الاسامي ( وقال للدكتور) تأكد من الاسامي

مايد : زيود يوم جفناه كان مطعون

زايد : لا لا مستحيل ( ولف ع الدكتور ) تأااكد من الاسمم!

الدكتور : نحن متاكدين من الاسم ( هزاع ....... )

يلس نهيان ع طرف و بدون رده فعل و يلسو حصه و وديمه يصيحون و نوره يلست عند امها بس تمت ساكته م صاحت ولا تكلمت و زايد كان يمشي خطوتين و يرد يحاول يستوعب اللي صاير اما ام نهيان م كان يهمها مو*ت بو نهيان لانه م كان يهمها بس كانت زعلانه و متضايجه لانها كانت تجوف عيالها بها الحاله

وديمه لفت صوب مكتوم و هي تصيح : مكتوم رد فهود البيت م ينفع يتم هني

مكتوم : بس ..

وديمه : انا بخير شله

مكتوم : تمام

ام نهيان : امايه حتى انتي ردي البيت بتتعبين

اليده : تمام ( و جافت عيال هزاع ( بو نهيان ) ) و طمنوني عليهم

يا شالم ركض : شو مستوي

محمد : خالي هزاع ( بو نهيان ) توفى

سالم : كيف متى كيف جي كان بخير من طلعت

محمد : طاعنينه

سار سالم عند نوره : شحالج

نوره : ماعرف 

ويلس حذالها و قامت عنهم ام نهيان و سارت صوب حصه

شيخه : حصوه حبيبي تعالي نرد البيت م ينفع تصيحين جي جدام الناس

حصه : م بردد

شيخه : ميثوه ايبي حق حصه ماي

ميثه : تمام

سارت ميثه تيب ماي

حميد : انا بيب لها ماي سيري عندها حاولي تهدينها انتي

ميثه : تمام مشكور

ردت ميثه عندهم : حصوه تعالي نسير البيت ترا بصيح اذا جفتج جي  

شيخه : ترضينها تصيح

حصه : مب وقتكم والله خلوني بروحي

قام نهيان من مكانه وسار بيطلع من المستشفى جافته مهره و لحقته