بيننا مجرم

الجزء الثالث - بيننا مجرم

.............................

مايد : م تعرفين اني من فتره احاول المح لج اني..

حصه : انك؟؟

مايد : اني احبجج

حصه : ..........

مايد : حتى ميثوه تعرف بس قلت لها لا تخبرينها يوم بيي الوقت المناسب بقول لها بس انتي خليتي فيها وقت مناسب 

....حصه : مايد ....انا اسفه بس ما

مايد قاطعها و قال : م تفكرين تحبين الحين و تبين تخلصين دراستج والله اعرف و بترياج لو تطلب الامر و بخطبج من تخلصين الكليه

حصه : البارت الاول هيه م ابا احب بس انا م افكر فيك اكثر عن اخ او ولد خاله لا تتضايق من كلامي بس انا اقول الصدق اعتبرك اخوي مب اكثر 

مايد : ...... و حميد؟

حصه : مايد انا قلت لك بشكل عام انا م ابا احب لا حميد ولا غيره 

مايد : ماعليه مع الوقت و بترياج انا و بتحبيني بتجوفين

حصه : يصير خير مايد تصبح ع خير 

مايد : وانتي من اهله حصه

و بندت حصه الباب و هي مصدومه م توقعت مايد ف يوم بي يقول ها الكلام وهي ف عمرها م اعتبرته اكثر عن اخ و بعمرها م حست بشي تجاهه ولا انها فكرت تحبه, كانت تعتبر ميثه و مايد اخوانها و دوم تطلع وياهم مع انه مايد وايد ينرفزهم بس طلعاتهم دوم تكون مع بعض و يستانسون و الحين بعد الكلام علاقتهم بتتغير و ميثه اللي تقول لها كل شي عنها و عن اللي يصير م قالت لها عن اخوها انه يحبها ولا حتى لمحت لها صح انه اخوها و توأمها و يمكن تباه هو يعترف, ردت حصه ترقد بس م رامت نشت طلعت من غرفتها كانت الساعه 10 سارت غرفه شيخه عسب ترمس ميثه ولا تجوف سالم 

سالم : حصه لحضه

حصه : ها سالم 

سالم : وين نوره ؟

حصه : راقده 

سالم : تمام مشكوره حصه 

و سار دش غرفته و حصه سارت تدق جرس غرفه شيخه يت فجت الباب ميثه 

ميثه : بلاج انتي للحين م رقدتي مب تقولين تعبانه و برقد من الصبح

حصه : ..... من متى مايد يحبني

ميثه : ها؟ منو قالج

حصه : مايد

ميثه : حماس اخوي اعترف لججج؟؟

حصه : من متى ميثه؟

ميثه : من سنه و نص تقريبا قال لي م اذكر ليش بلاج

حصه : انتي تعرفين اني اعتبر مايد اخ مب اكثر و تعرفين اني م احبه ولا فكرت بيوم من الايام اني احبه ليش م قلتي له من البدايه 

ميثه : خفت ينجرح و قلت يمكن مع الوقت بتحبينه لانه طلعاتنا و روحاتنا كلها مع بعض

حصه : بس انتي بها الطريقه خربتي العلاقه اكثر انا كنت اعتبره اخ و الحين علاقتنا بتخترب و م بنرد نفس اول