سافرتُ لِحُلمي

-1-

أُيظْلم لَيلي وأَنتِ قمري؟

ودِ
.
.
.

صافنه على جامة السيارة وممصدكه راح احقق جزء من حلمي صفنت ونفس الوقت مصدومه ومجاي انتبه حزينه وبنفس الوقت فرحانه
ضليت احجي وي نفسي

..يعني شنو هسه اني راح اكمل دراسه واتعين واستقر هنا الله معقوله

اووف الف الحمد الله والشكر واخيرا يعني ادرس ونفس الوقت اشتغل واعتمد على نفسي

يعني راح اكون انسانه ناجحه واعيش حياتي براس بارد وراحة بال واهتم بنفسي وبملابسي وروتيني اليومي اعدله واصير نظاميه وبنفس الوقت محافظه على وقتي واستغله باشياء صحيحه

عييعع لج شنو هل التفكير اني من جنت ب العراق هم جنت هيج هو العراق شبي هم يصير اسوي بي هيج اشياء بس بصعوبه مو مثل بخارج العراق هسه حيكون كُلش سهل

انتبهة انو وصلت للمكان الي يسكن بي صديق بابا وعائلته هزيت راسي لسايق التاكسي بعد ما انطيته الورقه الي مكتوب بيها العنوان لان ما اعرف لُغته ووصلني للمكان المطلوب انطيته الفلوس ونزلت وهو نزل ينزل جنطي وكفت اباوع للبيت حلو والبيوت الي يمه شلون صايرات بيت بصف بيت وبين كل بيت وبيت حديقه واشجار واغلب المكان بي خضار وهدوء يعم المنطقه والبيوت شلون كبار وشيك

اخذت الجنط مشيتهن ووكفت فتحت الباب حديدي لونه رصاصي صغير مال حدايق وصعدت الدرج الي يطل على الباب انتبهت على الجرس ودكيته

.....

كعدت على المنبه الساعه 9

درت وجهي ونمت على ضهري وصفنت للسقف مال غرفتي

...يعني اليوم تجي ازوله..يربي واخيرا راح تجي مشتاقتلها كُلش

گمت سبحت ورتبت نفسي ونزلت لگيت امي اتسوي ريوك

يقين..صباحوو ماماتي

هند..صباح الخير حبيبتي همزين كعدتي هم يلا نتريك حتجي بنت صديق ابوج وصديقتج هم

يقين..يربي ماما متتصورين شكد مشتاقتلها

هند..ان شاء الله تجي بل السلامه وتشبعين منها

يقين..يلا هسه شنو اسوي كوليلي

هند..حضري اماعين على الطاوله وحطي الاكل على ما اخلص

يقين..صارر..

رحت رتبت الطاوله وحطيت عليها الاماعين وحطيت سلة الخبز والخواشيك والشوكات وحطيت دولكه ماي وكلاص يمها

اجت امي كعدنه كُلنه على الطاوله وبلشنه نتريك

يقين.. بسم الله..ترتست كلاص مي وشربت شويه منه وبلشت اكل

ءحم بابا شو ازل بعدهي مجايه كالت اجي الصبح

سالم..اي بنيتي اني منتضر اتصال منها