سافرتُ لِحُلمي

-24-

تگضي وداعتك وتشوفني بكل خير
واندمك ع الگدرت بيومها تعوفه
تگضي وداعتك وتشوفني ويه الغير
واتصفنك حلاة چفوفي بچفوفه.

ودِ
.
.
.

أراي__

كاعد بالاستقبال يم والدي ورا شويه اجت امي قدمت النه چاي بلشت اشرب بهدوء..

أراي..يابه قلل صوت التلفزيون

هز راسه وقلل الصوت..والتفتت الي

باوعت لامي وهي غمضت عيونها وابتسمت بمعنى اطمن..

التفتت لوالدي وحجيت بهدوء..

أراي..يابه اني اريد اخطب

بينت الابتسامة على شفته وباوعلي..

عبد الله..يعني اكو بنيه ببالك

هزيت راسي بمعنى اي..

عبد الله..بالخير ان شاء الله..تندل بيتهم تعرف ابوها سائل عنهم

أراي..اي يابه اعرف منطقتهم وكذالك سئلت والبنيه مو توني عرفتها

عبد الله..وين شفتها

أراي..بالدولة الي اني جنت بيها

فتح عيونه وباوع للاستكان ورجع يشرب ويفكر..

عبد الله..ابني يعني شنو مسافرة ووين شفتها بالضبط

أراي..جانت تدرس هناك وهم تشتغل

عبد الله..وحدها

أراي..لا بالبداية جانت عايشه وي صديق ابوها بس وراها بسنتين صديق ابوها رجع للعراق وضلت هي تكمل دراسه

عبد الله..ابني شتحجي انت

أراي..شحجي مثلا داكلك عنها بس افهمني

هز راسه وحجه..

عبد الله..اسمعك كمل

التفتت لامي جاي تفرك بأيديها ومركزه علينه باوعتلي وهزتلي راسها رجعت نظري لابوي ورجعت كملت كلام...

أراي..يابه هاي البنيه من جنت اسوي المهمة التقيت وياها بالصدفه وانعجبت بيها وكذالك اتكلمت وي رئيس العمل كتله لازم احميها لان اكو عناصر موجوده تتبع هذا الشخص

عبد الله..اذا تعرف كلشي عنها هذا هو سائل عنهم تعرف منطقتهم

أراي..اي يابه اني اعرف عنها معلومات هي متعرفهن

عبد الله..يلا ان شاء الله

انعام..يلا لعد الخميس اروح اخطبها

عبد الله..بالخير ان شاء الله

ابتسمت..

الفتت للباب بعد ما اجه طارق يركض وبيده التليفون والهيتفون بأيده..

طارق..هااا منو راح يخطب يمه

امي ابتسمت واشرت عليه اني ابتسمت وباوعتله..