سافرتُ لِحُلمي

-27- والاخير

وانتظرتَك
بين صفنات الليالي
وجرح دخّان الجكاير
وبين لچماتي
وحسرتي وحّيرتي
وكسرة الخاطر
وبين مَدري
إو وين صاير؟ وانتضرتك
هلبت إتمربيَّ طيف
إيضمّضم دموعي أعَلّه باچر .

ودِ
.
.
.

طبيت للغرفة شمرت الاغراض الي اشتريتها على الچربايه..

اجتي يقين وامي بليل حطيت الملابس والاغراض بالجنط..

جهزت كلشي وبقى للعرس مجرد اسبوع واحد...

اتصلت عليه...

ازل..هلا شلونك

أراي..هلا حبيبي الحمد الله وانتِ

ازل..امم بخير..اكلك أراي اكو سؤال يدور ببالي كلت لبابا خطفتها ودخلت لبيتها ومن هاي الاحداث

أراي..شهل السؤال ازل

ازل..هسه دجاوب

أراي..لا مكتله كتله بس حميتها واني فهمتة المهم اتخطينه هذا الموضوع انسي

ازل..تمام واكلك الصيدلة ورا اسبوعين افتحها

أراي..شنو

ازل..شنو شبيك

أراي..ماكو ازل فلوس وعندي خير من الله شعندج مشتغله

ازل..معليه اني اشتغل هو اني على الفلوس

أراي..ماكو ازل

ازل..مو بكيفك هذا الشي..ترا اكل لابويه عليك

أراي..تهدديني يعني..حبيبي افهميني شعندج مشتغله

كمت اصيح بصوت عالي

ازل..يعني درست وتعبت علمود هذا الشي وتجي انت تمنعني لا مستحيل

سد الاتصال بوجهي..

ازل..عزاا فوكاها..درووح

شمرت التليفون واني نفسيتي زفت من التعب والروحة والردة وشلون اعوف اهلي عيوني دمعن ومددت على الچرباية حضنت المخده وضليت صافنه..

ازل..ما اعوف شغلي يعني كل هاي السنين ويمنعني

ثاني يوم..

طيف..ازل..ولج ازل كومي كومي اجه خطيبج

فتحت عيوني وضليت صافنه عليها

ازل..شجابه

طيف..يااا ولج كومي شنو شجابه كومي غسلي ورتبي نفسج وتعاي

كمت خلصت كلشي على السريع ونزلت ركض للمطبخ شربت مي وشلت قطعه خبز غطيتها بمربى واكلتها وشربت مي مره ثانيه ومشيت بهدوء للأستقبال وصلت للباب لزمت اليده اخذت نفس وفتحتها..

طبيت وسديت الباب..

سلمت عليه وكعدت معاجبني الوضع ابد..

ازل..ليش سديت الاتصال بوجهي البارحة