سافرتُ لِحُلمي

-22-

أستاهل گليبك ، يَـبوُ عيوُن الـتحيرنيِّ !

ودِ
.
.
.

اخذت الجنط ومشيتهن وطلعت برا المطار..

مشيت شويه وانتبهت هذا يباوعلي ومتچي على السيارة ومتكتف..

درت وجهي عنه ما اريد اشوفه..

اجه بأتجاهي..وحط ايديه بجيوبه وابتسم..

أراي..الحمد الله على السلامه ازوله

ازل..ازوله شنو لا تتماده

أراي..شتاقيتلج حبيبي

ازل..يااااا عزااا وخر عني شو وخرر

اخذت الجنط ومشيت للشارع اريد أجر تأكسي

لزمني من ايدي..نترتها وكمت اصيح بالشارع

ازل..ولكك هد ايدي شنو هل التصرفات

أراي..تعاي اني اوصلج

ازل..ما اريد

أراي..تعاي شنو يعني شخسرانه من اوصلج اني

ازل..يااا ربي داكلك ما اريد تدري شنو اريده منك بس مساعده وحده بس وحده

أراي..والي هي

ازل..تولي منا

راد ياخذ مني الجنطه مشيتها وبعدتها عنه

ازل..روح أراي

أراي..ما اروح اني اوصلج

باوعتله وابتسمت بأستهزاء

ازل..بصفتك منو

أراي..شخص قريب اي شي المهم اني اريد اوصلج

ازل..واني ما اريد

درت وجهي وركضت وكفت سيارة تكسي وكتله خل ينزل يصعد الجنط..

التفتت وابتسمت بعد مشفته متنرفز وبعده واكف بمكانه ومتكتف..

صعدت والسايق صعد الجنط واجه صعد بالسيارة..

باوعت من الجامه سيارته وراي

حطيت ايدي على كصتي ودنكت وضحكت..

ازل..هذا شبي يربي مخبل بس اريد اعرف شنو يريد هههه غريب والله غريب

وصلت للبيت انطيت السايق الحساب ونزل حتى ينطيني الجنط فتحت باب السيارة ونزلت وطبكت الباب وحطيت ايديه بالچاكيت بعد مشفته سيارته ركنها..

نزل من السيارة واجه يمي..باوعتله من فوك لليجوه اخذت الجنط ومشيت بأتجاه الباب..

وكفت الجنط وطلعت المفتاح من الجنطه فتحت الباب والتفتت عليه..

ازل..شكو جاي وراي متروح للبيت ووصلت

أراي..طبي للبيت

ازل..ابتسمت وهزيت راسي وطببت الجنط وطبيت وسديت الباب وقفلته..