سافرتُ لِحُلمي

-6-

ما أردته لنفسي ليس الذي حدث لي بالفعل، ولكنني غيرت خططي ألف مرة لأفرح، وألف مرة لأحتمل، وألف مرة لأعيش.

ودِ
.
.
.

نزلت من السيارة وطبكت الباب،فتحت باب البيت بالمفتاح دخلت للبيت واني امشي اسمع صياح امي..

أراي..اووف يا طارق ما تصيرلك چاره

طبيت للبيت لكيت امي لازمه النعال وتصيح على اخوي

انعام..لكك انت تريد تموتني كافي كافي الى متى اضل اضمم بخياساتك

اباوع لطارق لازم المخده مال القنفه ويضحك باوعتلهم وضحكت رحت لامي بستها من راسها

ابتسمتلي

انعام..هلا بوليدي الله يساعدك يمه

أراي..الله يسلمج يگلبي،شنو هذا تصيحين عليه ما يفيد وياا الله وكيلج متشوفين حتى صوتج مبحوح

انعام..ولك يمه وبعدين ويا هذا مينعدل مينعدل

أراي..اني هسه اعرف شلون اتصرف ويا شنو شبي شمسويلج

انعام..اصعد فوك غرفته كلها جكاير والنفاظه متروسه كطف مال جكاير

أراي..ااااه مطورين

باوعتله ميت من الضحك صاحح

طارق..أراي والعباس جكاره وحده لا اكثر

أراي..لكك قندره مو امي ادكول تارس النفاظه انت مو جنت على الاركيله الاليكترونيه شو مطور حضرت جنابك

طارق..شسوي مو بيدي شسوي

أراي..يمه حبيبتي اني اتصرف ويا لا تنقهرين

انعام..اني معليه ما اضل اضم على ابوك احجي لابوك كلشي وهو يتصرف وياا

طارق..لا يمه لا حبابه كلشي ولا ادكولين لابوي يديحني بالشارع

أراي..اي يمه كولي لابوي هو يعرف شلون يخلي يبطل

طارق..ولكك أراي انت مو قبل شويه كلت اني اتصرف ويا انت اتصرف ولا اتخلي ابوي يتصرف يمعود

أراي..اني ما اسويلك شي شايل ايدي منك لان تعبت منك ما اريد وجع راس اكثر..يمه تعبان

انعام..اي يمه روح اسبح وارتاح بغرفتك هسه اجيبلك الغده

أراي..يبعد گلبي

صعدت لغرفتي سبحت طلعت من الحمام لكيت امي مخليه صينية الاكل على الچربايه كعدت اكل خلصت نزلت جوه غسلت اماعيني ورتبتهن وصعدت فوك حطيت راسي على المخده ونمت..

كعدت على صوت رنة التليفون باوعت لكيته ادريس فتحت الاتصال وحجيت بصوت نعسان..

أراي..الوو

ادريس..الوو..ها شلونك اخبارك

أراي..والله نايم ما اعرف اخباري شنو شبيك شرايد