سافرتُ لِحُلمي

-23-

ضُمني بلا هَلا مِن الناسّ.
ضُمني مِن العيُون الفاهية بدونك.
عَلگنِي إعله رمشَك طيف .
أحِب مگابَل عيُونك .

ودِ
.
.
.

مرت الايام وكالعاده اشوفه يراقبني ومرات يجي يمي نتكلم شويه بس ابد مخليتله مجال بعد يتجاوز عليه او يدخل بيتي..

حسبته مجرد يحميني..وتاخذني صفنه وترجعني صفنه..معقوله بس خايف عليه..اهتميت بشكلي وبمظهري وبدراستي اكثر وشغلي اكثر واكثر..صار اهم شي بدنيتي انو اختم فترة دراستي بالتخرج..

...

فرحانه واروح منا واجي منا والابتسامه شاگه حلكي شگ..

ضحكت هواي واني مبتسمه عيوني دمعن..

رن الجرس..

ركضت فتحته..

ابتسمت وشمرت نفسي على ماما..

ازل..يحبيبتي مشتاقتلج

رحت حضنت بابا وسلمت عليه وكذالك على يوسف..

دخلتهم للبيت وضيفتهم..

ومشيت ركض كعدت يمهم وهما يباوعلي بأبتسامه ويلتفتون يشوفون البيت الي اني كاعده بي..

ازل..عاد احلى شي صار بدنيتي هو اخذتو هذا القرار واجيتو زرتوني

امي هزت راسها وضحكت

طيف..ايي عاد بطلعان الروح خلصن هذني الـ 4 سنين يلا بعد ماكو مفر ترجعين للعراق بعد التخرج ويانه...

ضحكت..

ازل..اكيد ماماتي

عمار..بنيتي رفعت راسي عفيه عليج بعد متحتاجين لا فلوسي ولا بيتي ههههه

ازل..ياا بابا انت الخير والبركة كله بفضلكم هذا الشي..

هز راسه وضحك فرحة كُلش من شفتهم الفرحة مسايعتهم واني بعدني من الفرحة احس گلبي حيطلع وبدي اكمز واصيح..

....

فتحت باب الغرفة ومشيت للچربايه..

اخذت روب التخرج ولبسته وابتسمت..لبست ساعتي ورشيت عطر

وشلت قبعة التخرج ولبستها وشلت تليفوني ورحت باوعت لنفسي بالمراية..

اخذت عدة صور واني مبتسمه اجت ماما..
وهي طالعه اتخبل..التفتت عليها ورجعت باوعت لنفسي بالمرايه..

ازل..ها ماماتي خلصتو

هزت راسها واجت بأتجاهي شالت الشهادة وقدمتها الي دمعن عيوني واني اباوعلها..

طيف..فخورة بيج بنيتي ان شاء الله هاي الفرحة ابد متفارق عيونج

نزلت دمعه واخذت ايدها وبستها من بطن ايدها

ازل..بوجودكم وبدعمكم اني وصلت لهاي المرحلة

انطتني الشهادة شلتها وضميتها من متنها واخذت النه صور...