سافرتُ لِحُلمي

-11-

اشتقت لَك كـ اشتيُاق
الليَل للنجومَ
وتبعَثر قلبيُ
حَينما لمُ اجدَ
مَنك خبٌر
ولوَ لا تلك عَيناك
كنُت فيَ حَالة قهر
كم جمَيله عَيناك
كأنمًا خلقتُ لتسرٍ
الناظريَن الَيًك
بلمصَيبه تلك الشفتينُ
جعَلتني فيَ خطر
فهَل مَن حبكِ طريق للمفَر ؟

ودِ
.
.
.

قيس__

كاعد اتفرج على التليفزيون بالصاله وصافن وبالي كله مو وي الفلم انتبهت على التليفون اخذته واتصلت على ميار

اجاني صوتها

ميار..هلا حبيبي شلونك

قيس..هلا گلبي الحمد الله انتِ شلونج

ميار..الحمد الله..اي شسويت شنو قررت

قيس..ميار شنو هل التفكير الي عندج البنيه جايه تدرس فقط واني تقريبا ثلثين يومي بالشغل ليش تعانديني

ميار..معليه اختك اي بس بنيه غريبه اتعيش وياك ووي اهلك وانت موجود ماكو هيج شي يعجبك ما يعجبك

قيس..يعني اتغارين بس مو لهدرجه

ميار..مشكلتك قيس بعد سنتين ونتزوج منو يكول هاي ما تسحبك الها

قيس..ولج تسحبني شنو دكتورة وبكد الدنيا عافت هاي الشباب كلها اجت عليه انتِ شتحجين

ميار..اي اجت عليك يلا لم ملابسك وروح لشقتك مو عندك شقه ما شاء الله تكفي عائله بحالها

قيس..ماشي ماشي امري لله

ميار..اي حبيبي هيج اريدك..اممم المهم شوكت حددت موعد الخطوبه

حطيت ايدي على راسي

قيس..ما اعرف محتار انتِ ليش ذبيتيها وراي

ميار..شنو قابل اني اعرف شوكت تزورون العراق قابل اشم ايدي

قيس..ما اعرف افتح الموضوع وي اهلي ونحدد يوم ونجي للعراق واخطبج ونرجع وانتِ هيئي امورج على ما تخلص هل السنتين على خير ونتزوج

ميار..تمام حبيبي

قيس..يلا مع السلامه

ميار..الله وياك

سديت الخط منها

وانتبهت امي نزلت وراحت للمطبخ اتسوي ريوك لمن اتريكنه وفاتحت اهلي بالموضوع رجوعي للشقه..

تفكير ميار ابد مجان بمحله البنيه حتى كلام متتكلم وياي على كد السلام هاي اذا نزلت من غرفتها واشوفها فقط على الاكل وهي بس تبتسملي انتبهت عليها كلش ثكيله والكلام الي تحجي مختصر ومفهموم واغلب الكلام الي يتوجه الها ابسط شي تسوي هو الابتسامه غيرها ماكو...

اخذتلي كم يوم ونقلت ملابسي واغراضي للشقه ورحت سكنت بيها..

وبيوم من الايام...