بالأمس كُنآ شيء..واليوم شيء
وما بين الشيء والشيء مات كُل شيء
ودِ
.
.
.
ازل__
باوعت على غرفتي الجديده بسيطه الوانها نازكه واثاثها هم..
رحت فتحت الكنتور ورتبت بي ملابسي
ورتبت اغراضي ومكياجي بالغرفه بعدها رحت سبحت ولبست نفنوف مال بيت مشطت شعري وحطيت مرطب لوجهي
ولفيت شالي واخذت ملابسي الي اريد اغسلهن وطلعت
نزلت جوه لكيت خاله هند تسوي غده
ازل..خاله
هند..ها حبيبتي
ازل..خاله بس اريد اغسل ملابسي
هند..يا صدُك جذب اني اغسلهن عوفيهن بنيتي
ازل..لا خاله حبيبتي تسلميلي اني اغسلهن ما عندي شي
هند..براحتج بنيتي هذاك الحمام على ايدج اليمنى وتلكين بي الغساله
ازل..اها ماشي خاله
رحت لبست نعال الخاص بالحمام ودخلت شفت الغساله شغلت النقطه وحطيت ملابسي كملت ورحت شريتهن ورحت لغرفتي كعدت على الچربايه نزعت شالي
صفنت وضربت كصتي
ازل..ااااا شلون نسيت خطيه هسه بالهم عليه
اخذت الموبايل ودخلت على رقم بابا واتصلت عليه على الواتساب
ازل..هلاو بابا شلونك حبيبي
عمار..هلا بنيتي حبيبتي الحمد الله طمنيني بالي يمج
ازل..لا بابا اطمن هسه اني ببيت عمو سالم لا يضل بالك حبيبي شلونكم شلونها ماما
عمار..الحمد الله بنيتي هاي امج احجي وياها
ازل..ماشي بابا
طيف..الووو ها ازوله ماماتي شلونج الحمد الله على السلامه
ازل..الله يسلمج يروحي اذا انتِ بخير اني بخير ماما حبيبتي
طيف..يروح امج ولج من هسه اشتاقينالج شلون اذا انتِ حتضلين اسنين
ازل..لا ماما شنو السالفه اكيد اجي ازوركم مو لهدرجه وبعدين هنا 4 سنين واجي ما اطول وبين شهر وشهر اجيكم وي عمو سالم بعد المن ليش هل القلق والخوف عدكم
طيف..ان شاء الله..يلا امي يلا حبيبتي اخذي راحتج ارتاحي هستوج راجعه من سفر ارتاحي نامي لا تعبين نفسج
ازل..يلا ماما حبيبتي اتصل عليكم ان شاء الله
طيف..ان شاء الله ماماتي منتضرة اتصال منج
ازل..ماشي..يلا مع السلامه..سلميلي على بابا
طيف..يوصل..الله وياج ماما الحسين يحفظج ان شاء الله من كل شر وسوء
ازل..حبيبتي ماما
سديت الاتصال وعيوني دمعن شلون راح اكدر على فراكهم نزلن دموعي ومسحتهن وكلت اني ازورهم ويارب يخلصن هل 4 سنين بسرعه
أنت تقرأ
سافرتُ لِحُلمي
General Fictionذكية من غير غرور.. أنيقة من غير تكلُّف زائدٍ.. بسيطة دون سطحية.. عميقةً دون تعقيد.. متأنية من غير تباطؤ.. مُبِينةً في كلامها دون صوت مرتفع.. متواضعة من غير ميوعة.. و أبيّة من دون تكبر.. سَخيّة الدمع في المواقف التي تستحقُّ ذلك.. بريئة.. طيبة.. رقيقة...
