سافرتُ لِحُلمي

-4-

رِدنّة نِنسى ومَا نسينا
رِدنّه نِبچيّ ومَا بِچينة
ونِعتب ونحچيّ عَليمن
وياهو يسمَع لو حِچينا
؟

ودِ
.
.
.

باوعت احمد مدد بالكاع وعمه كوثر اتهز بي وتصيح حتى يكعد

اني ضليت مصدومه بعد مشفت حبل ملفوف على رگبته وعمه كوثر تفل بي بس هو مشدود كلش قوي منطوي وتصيح

التفت لورا اشوف ماما ترجف وتحجي وي بابا بالتلفيون

ازل..ممصدكه معقوله مات ليش ليش انتحر شنو السبب

دموعي نزلن وضلت شفتي ترجف كمت الطم على خدي واصيح

ازل..لا لا احمد لاااااا ليشش عفتني ليش

شفت عمه كوثر كامت تشهك وطلعت ركض لبراا راحت امي وراها تركض اني صافنه مجاي استوعب جثته كدامي مدده واني مصدومه هذا حب طفولتي حب حياتي هذا حبيبي ليش هيج سوه وعافني ليش لهدرجه ايمانه ضعيف

رحت يمه بسته بكصته وبخده وهو مجاي ينطق ولا كلمه بارد..جثه كدامي

ازل..ليش احمد ليش يعني بعد ما اسمع صوتك ولا اشوف ضحكتك ولا اجي يمك واشوفك تدرس ليش هيج سويت

كمت ابجي واصيح فقدت بعد ما اكدر ضليت اشهك بصوت قوي وابجي

لمن اجه بابا وعمي

عمي لزم راسه وكام يبجي وبابا صار وجهة اصفر اجه قاس نبضه

ازل..بابا شنو تقيس گلي شتقيس مات احمد مات ما بي نفس

مسلم..لا لا لا ابني لاااا ما بي شي ما بي شي خل اخذه للمستشفى ابني هذا ابني وحيدي ما بي شي

گامله بابا ولزمه وعمو يصيح ويبجي اني وجهت نضري لجثة ولزمت راسي وحجيت..

ازل..راح گلبي راح حب حياتي وطفولتي راح احلى شي بدنيتي عافني اني السبب اني كطعت عنه علمود الدراسه ليش هيج سويت اني السبب اني مرحتله مغيرت اله جو اله بس شويه ليش يربي راح حبيبي راح ماتت..

انتحر احمد وراح لدار حقه اني اتكئبت وصيحت وصرخت بفاتحته واحجي كلام بدون وعيي فقدت املي بالدنيا كلها

ثاني يوم شيعوو واجن خواته ثنين مزوجات من عيالهن وبدا العياط والنحيب والبجي وامه فاقده مصدومه واني كذالك مجاي اكدر اصدك واگول اني بحلم هسه اكعد اني بحلم..

مرت 3 ايام على الفاتحه واني كاعده والمله تقرا ونلطم صفنت واذكرت شغله مدري شلون اجت ببالي

اتذكرت يوم

جنت لازمه كتابي واقره بالساحه وامشي منا وارجع منا واقره لمن اجن صديقاتي امل واستبرق..

استبرق..هلاو ازوله شنو جاي تقرين

ازل..هلا عمري..جاي اقره انكليزي غير عدنه امتحان شهري