سافرتُ لِحُلمي

-16-

انتَ يا اول عرف
واخر غريب
يحِبني بس مو مَالتي
ياحَبيبي ..
ولايتي المَا بيها مِثلك
عيب اگول ولايتي
الليل شنهو الليل عگبك ؟
لوّن مشمور بمدينه ..
الليل اذا مَا بي محَنه
شفرقه عن العَميه عينه ؟

ودِ
.
.
.

أراي__

بعد مطلعت من بيتها ضلينه نراقبها..التفتلي امين وهزلي راسه باوعتله وغمضت عيوني ونزلنه ابتعدنه عن بعض وصارت بينه مسافه ضلينه نمشي وراها ونراقبها..

شويه ورحت باتجاه امين

أراي..ولك خاف رايحتله

امين..ما اعتقد تروحله لبيته

هزيتله راسي ورجعت امشي وراها وابتعدت عن امين

ضلينه نمشي وراها الى ان شفناها دخلت بمرى هزيت راسي لامين وحركت بايدي..

اتوجه ناحيتها وكام يمشي سريع..

لزمها من رگبتها وحط المنديل..

ورا شويه ركضت ركضت وباوعت لامين

أراي..خرب يومك اركض

ركضنه وراها الى ان هدئت هي بخطواتها ووگعت بالگاع ركضت ناحيتها لزمت راسها وشلت هزيت راسي لامين ورحنه للسيارة حطيتها ليورا ورجعنه..

أراي..هسه يلا بدينه بالشغل

ازل__

كعدت لكيت نفسي نايمه بالگاع والكاع بارده لزمت راسي وگحيت..

دورت على تليفوني ماكو..

ازل..اوووف منين اجتني هاي السالفه استغفر الله ياربي سترك

بجيت وكمت اقره سور وادعيه

ازل..يالله يامحمد ياعلي..بسم الله الرحمٰن الرحيم وجعلنا من بين ايديهم سداً ومن خلفهم سداً فأغشيناهم فهم لا يبصرون..

ضليت اردد بهاي الايه وقريت ادعيه ودموعي ينزلن وانفخ بايدي..

ورا شويه دخل الي رجال لابس بلوزه سوده وبنطرون كذالك..

باوعتله ولزمت ايديه وهو شايل بايده بطل مي..

كعد على الكرسي وحجه

أراي..شلونها الحلوه

باوعتله ودموعي يجرن وشفتي ترجف من البرد..

أراي..الظاهر خرسه متحجين

هز راسه واتقدم ناحيتي وشمر البطل وگع بالگاع واتكتف وباوعلي..

أراي..اخذي البطل شنو معطشانه حضرتج

باوعتله هو نفس الشخص الي هذاك اليوم دفعني

ازل..انت منو وشرايد مني

أراي..اشربي مي وبعدين اكلج اني منو