အပိုင်း ၂၅
မမနွေ.... တစ်နည်းအားဖြင့် တစ်ချိန်က ရင်းနှီးခဲ့တဲ့ သူတစ်ယောက်...ပျော်ရွှင်စာရင်းနှီးခဲ့တဲ့အတိတ်မှာ နာကျင်စွာ အဆုံးသတ်ခဲ့ရတဲ့ ဇာတ်လမ်းလေးတစ်ပုဒ်ရှိခဲ့သူ..နစ်နာသူက ကိုယ့်အချစ်ဆုံးသူငယ်ချင်းတစ်ယောက်...အခုတော့ တွေ့ရတာ မျက်နှာတွေတွေတောင် ချောင်ကျလို့...အကယ်၍များ သူ့ကို တစ်ယောက် ယောက်
သာတွေ့သွားလျှင်..
"ဟဲ့ ဘာတွေငေးနေတာ ငါ စီချွမ်မာလာနဲ့ တုံ့ယမ်းမှာခဲ့တဲ့
အသားကတော့ ပုစွန်နဲ့ ကြက်သားရယ် ဂဏန်းရယ် ပင်လယ်စာရယ်နဲ့ ဘယ်လိုလဲ အဆင်ပြေတယ်မလား "
"အော်...အာ...အင်း ကောင်းတယ် ကောင်းတယ်"
ဇင်ယော်ကြည့်နေတဲ့ဘက်ကို လိုက်ကြည့်နေတဲ့ ဝင့်လွှာမ ခေါင်းကို အမြန်ဒီဘက်ဆွဲယူလိုက်ပြီး စကားလမ်းကြောင်းလွှဲပစ်ရသည်။
သူသာကောင်တာဘက်သွားတဲ့ မမနွေကိုသာ မြင်သွားမယ်ဆိုလျှင်.....
"ဟဲ့ နင်ဘာဖြစ်နေတာလဲ ခုနကတည်းက တအင်းအင်း တအဲအဲနဲ့ ဝမ်းချုပ်နေတာလား "
"သေလိုက်လေ ဆောင့်ကန်လိုက်ရ စားစရာရှိတာစား ပြီးရင် ဟိုတယ်ပြန်သွားရအုန်းမယ် တော်ကြာမိုးချုပ်နေလိမ့်မယ် "
မျက်စောင်းထိုးနေတဲ့ ဝင့်လွှာမကို စိတ်ထဲကနေတော့ စိစိညက်ညက်ကြေအောင် ထောင်းပစ်လိုက်ချင်သည်။
ဒီကတော့ သူ့ကို စေတနာနဲ့လုပ်ပေးလိုက်ရတာကို..
"အား....အခုမှ ဗိုက်ကို တင်းသွားတာပဲ ငါ့သူငယ်ချင်းလေး မမဆီကနေအများကြီးအချစ်ခံရပါစေ သက်ဆုံးတိုင်ထိပေါင်းနိုင်ပါစေ "
စားပြီးမှဆုပေးလာတဲ့ ဝင့်လွှာမကို ပြိုင်လည်းပြန်မပြောချင်တာကြောင့် သူပေးတဲ့ဆုလေးကိုသာ ပေးတဲ့ဆုနဲ့ပြည့်ပါစေလို့
ပြန်ပြောလိုက်သည်။ တော်ကြာ လိုက်ကျွေးရပြီးမှ ပိုက်ဆံကုန်ရကျိုးမနပ်ဖြစ်နေမှ....
"အဲ...ဝင့်လွှာ ငါ... အခုမှ သတိရတယ် မမအတွက် ငါဝယ်စရာလေးရှိသေးလို့ အဲ့တာ စျေးဘက်ခဏသွားအုန်းမယ် အာ့ကြောင့်
နင်ပြန်နှင့်လိုက်တော့နော် "
"ဟင်... ငါလည်းလိုက်ခဲ့မယ်လေ "
"ဟာ..ငါက ကြာအုန်းမှာဟ တော်ကြာ ကြာတော့မှ ခြေထောက်တွေညောင်းတယ်ဆိုပြီး လာမငြီးနဲ့ သွားစမ်းပါ ငါ့ဘာသာ သွားမယ် "
VOUS LISEZ
Start with Heart And End with Love
Roman d'amourနှလုံးအစားထိုး ခွဲစိတ်မှုကနေ ဖြစ်ပေါ်လာသော ချစ်ခြင်းများ... ႏွလုံးအစားထိုး ခြဲစိတ္မႈကေန ျဖစ္ေပၚလာေသာ ခ်စ္ျခင္းမ်ား...
