ثبَات حكم مالك بالمجد مملوك

2

بسم الله الرحمن الرحيم
ثبَات حكم مالك بـ المجد مملوك ~

المملكه العربيه السعوديه , مملكه العز والأمان في ديار الأوطان وديار المحبه على احد اراضي نجد العذيه قصر الشيخ بارق ومزرعته , كانوا يستقرون فيه رغماً من انهم من أصول جنوبيه لكن المشاكل القبيليه تركتهم يتركون أرضهم ويستقرون بنجد , ~ جناح بكر جابر وثبَاته ~ وقت
رفعت الفرشاه تدمج البلشر على لين خدها تسمع بنات اعمامها عندها يسولفون , ديما : لا صدق ثبَات وش شعورك ؟
تنهدت تنهيده عميقه تنزل الفُرشاه وتلف عليهم : يعني بكل مره بتعيدون علي نفس السؤال ؟!
ديما : يب , عشان بكل مره يزود غلاك مو طبيعي كيف جدي حاكم يحبك مره !!
ناظرتهم بقل حيله : والله بزران ماعليكم شرهه
ساره بملل : انتي عجوزه مُمله قسم بالله
ديم : اقول بنات امشوا خلوها تنثبر هينا
وخرجوا من جناحها فعلاً ينزلون لتحت , حتى استوقفتهم زهره بستغراب : وين حبيبه حاكم ليش مانزلت معكم ؟
ملاك : بتجي الحين
الجده مناهل بحُب : حصنو نفسكم ياعيوني
رمت لها وهج بوسه تبتسم : من عيوني ياعيوني
ابتسمت لهم , وقاموا البنات من سمعوا طرق الباب يستقبلون ضيوفهم بترحيب ويائدون مواجيب الضيافه , يتشاركون القهوه السعوديه وتمر القصيم بحُب وكرم ومن بين سوالفهم واسائلتهم عن احوال بعض , يقاطعهم دخلوها الثابت الهادئ تلفت الانضار كل عاده بطولها الفارق ونعومتها وجمالها الرباني ! , وقف الاغلب يسلم عليها ويسالها عن غيابها وحالها و احاولها , ومن بعدها جلست بجانب جدتها بصدر المجلس , وابتسمت ام متعب : ماشاء الله تبارك الله عروس
ميلت شفايفها ماترد على ذا الطاري الي ماتطيقه , وكلها ثواني حتى رجعت تنتشر سوالفهم من ماداء ان البنات ينسحبون كونها عزيمه حريم بعيداً عن وجود بنات باعمارهم , ناظرتها سجى الي رفعت يدها لقلبها : اذوب انا اذوب !
ضحكت وسن بستغراب : على مين !
سجى وهي تتاملها : على ثبااتي
رفعت انضارها من جوالها وابتسمت بعذوبه تفتح يدها : تعالي
تقدمت تحضنها بقوه وبشوق , وحاوطت كتفها تبادلها الحضن , ضحكت سلطانه : فرق الطول !
سجى وهي تبعد : صدق اذا وقفت جنبك احس اني بنتك !
رفعت يدها تسحب خدها بخفه : انتي بنتي وعيوني
ابتسمت بوسع ثغرها : احبك انا ياجمل اخت بالعالم كله
دخلت سهام وهي ترفع حاجبها :اشوف حُب وغرام وعشق وحنان بدوني !
وهج بذهول : اخس يالقصيده !
فتحت يدها لسهام الي تقدمت تحضنها : وحشتيني
ثبَات : وانا اكثر والله
بعدت بعد ثواني تناظرها بستغراب : ليه معد تجين ؟
ثبَات : والله مشغوله ومو قادره أفضى لنفسي
سلطانه : خلاص بعدو عنها نبي نسولف
سهام : انطمي حنا اول مره نشوفها من ٣ شهور !
ديما : وحنا من ٦!
سجى وهي ترجع تحضنها : بس حنا خواتها يعني حنا اولى
سهام : انا لازم اقفل شقتك وارمي المفتاح بعيد عشان تجين عندنا
ثبَات : يصير خير
تنهدت بتعب منها ومن تسليكها  : اوف منك
ملاك : تعالو بصب قهوه خلصوني
تقدمت تجلس , وجلست ملاذ بعد ماسلمت عليها : كيف محققتنا ؟
ابتسمت بخفه : بخير والله انتي كيفك ؟
ملاذ : تمام التمام
ثبَات : دوم ان شاء الله
ملاذ : تدومين لحبابك
سجى : امــــين
ملاذ : ملاك تكفين صبي لي قهوه
توسعت نصراتها بصدمه : على خبري اني انا اختك الكبيره موب انتي !
رمت لها بوسه : تكفين حبيبي انتي
تنهدت بقل حيله تصب لها قهوه , وتمد لها الفنجال : امسكي