ثبَات حكم مالك بالمجد مملوك

13

استغفرالله واتوب اليه
ثبَات حكم مالك بـ المجد مملوك ~

« بيـت مَــــالك »
8:30 am
جلس بصداع يلف على فراش رّواف ويعقد حواجبه من ماكان موجود وقف يتوجه للحمام -تكرمون- يغسل وجهه ويخرج متوجه للمطبخ : ابك انت وش تسوي !
رّواف : كل تبن
مَالك : ابشر , بس صدق وش تسوي
رّواف : بيض بطني طواه الجوع نعبوك انت ماغر تبلعنا بذا الشاهي اقولك جوعان جوعان ابي اكل تقول نام ! والمشكله اني نايم على الجوع والله العظيم لو اني رايح لزوجتي اصرف لي قسم بالله !!
مَالك : رّواف كل تبن زوجتك مابينا شارع انزل ورح لها يلا !
صد يحرك البيض : كل تراب
كشر وجهه بقهر : الله يقلعك البيض احتــرق !
جلس على الطاوله يطقطق بجواله بعدم اهتمام : اخلص بس والله اني جوعان
لف رّواف بذهول : ابك انت ماتعرف توجيب أضيف !
مَالك : يارجال انت منت بضيف , بعدين لاذكرك وش كنت تسوي يوم انك عزابي ويوم زواجك الأول والله انك رخمه ماسنعك الا ام ليث خــل عنــي !
ميل شفايفه ببتسامه : عشان ام ليــث بسكــت
هز راسه بقل حيله : خــروف خــروف بكــل حالاتــك
رّواف : اعقــب بــس !
سحب المقلايه ينزلها على الطاوله , مَالك : طيب حطها بصحن !
رّواف : بتغسل المواعين ؟
مَالك : لا تعقــب مثــل ماطبخــت انــت انــت تغســل
رّواف : لا تخســي والله هو بيتي ولا بيتك !
مَالك : بيتك انت الي بانيه !
رّواف بستخفاف : ياشيـــخ !!
كشر بملل : رح جب خبز وعاد بعدين نشوف
سحب الخبز الي على الطاوله يصفقه بجبهته بقهر : خدامه عندك انا !
وقف مَالك : قدها !
رّواف : كانك رجال قابلني !
لف رجله حول ركبته من الخلف يطرحه بثانيه : لعد تهايط تفهم !
رفع رجله رّواف يدفه للخلف ويوقف ياخذ البيض : مافيه فطور انقلع
ضحك بصدمه يشوفه يطلع والمقلايه والخبز معه : رّوااف ياكلــب تعــال !
‏خرج خلفه يطلع للحديقه , رفع رجل على رجل : وش تبي منت ماكل !
سحب الكرسي : كل تراب قلايتي بيتي مطبخي بيضتي !
رفع سبابته بسخريه : خل نفصفص كل كلمه , قلايتك معليه , بيتك موب توك تقول بيتي انا انا الي بانيه ! , مطبخك انا الي بانيه بعد , بيضتك سلامات دجاجه تبيضين وانا مدري ؟
سحب قاروره المويه يرميها عليه وتتوسط جبهته , صرخ رّواف بالم : الله يقلعك ..
سحب الخبز يفطر : عشان تحترم نفسك وتعرف مع من تتكلم
عقد حاجبينه بستخفاف : مع من اتكلم ان شاءالله
رجع ظهره للخلف : مَالك سياف حاتم البارق , المباحث وقائد القوات المسلحه , لا تخليني أفرغ الاسلحه كلها براسك ..
رّواف بسخريه : اذا انت مَالك , انا رّواف نايف مهناء النايف !
مَالك وهو يضحك : والله ونعم
رّواف : زين حسبتك بتسب
مَالك : افطر افطر وانت ساكــت بس
كشر وجهه : ترا بسكت عشاني ابي اكل موب عشان سواد عيونك !
مَالك بستخفاف : هو انت تسكت بس ؟
رّواف : مَالك ماتحس انك بجيح ؟
هز راسه بنفي يكتفي بصمت , اكمل : مره ابد ماتحس ؟
رفع انظاره له بملل : رّواف انت ورا ماتسكت ؟
رّواف : مَالك انا ماحب اسكت مع أناس الي احبهم
ميل شفايفه بستخفاف : يعني انا من الي تحبهم !
هز راسه بنفي : انا اذا جعت اقول كلام انا مدري عنه , و بعد انا صاير مافكر بالكلام قبل اقوله
مَالك : متى فكرت انت بالكلام الي بتقوله ؟
رّواف : كل تراب
زفر بملل : افطر يابن الحلال افطر واسكت ممكن ؟
هز راسه بنفي يبلع لقمته : تم لأولى بس الثانيه لا
مَالك : رّواف اسكت يارّواف اسكت اص خل اكلم !
رّواف : ابـ..
ضحك بذهول من رفع جوالها لذنه : سم ابو بندر ؟
رّواف بهمس مقهور : بجيح والله بجيح هذا وانا طابخ لك فطور الغداء !
وقف يصد للمطل يتامل الجبال ويكمل مكالمته المهمه الي بنظره رّواف سخيفه ومالها فايده , سحب خبزه ثانيه ياكل بملل : يجي منك أكثر يابو حاتم ..