ثبَات حكم مالك بالمجد مملوك

34

‏استغفرالله واتوب اليه
ثبَات حكم مالك بـ المجد مملوك ~

في تمام الساعه العاشره مساء كان الأغلب موجود في منزل بهاج يباركون لنجمه ويقدمون لها الهدايا بشكل أسعدها كثير , زهره : العنود وين ذلفت ؟
أسماء : وانتم بتجلسون تنتظرونها ؟ تقهوو بس
تقدمت نجمه تصب لهم القهوه وتفتح بوكسات الحلا وعقدوا حواجبهم من كانت بلون الوردي والأزرق , مريم : وش هذا ؟ وراكم ملونين الحلا
ضحكت أسماء بستغراب : مدري العنود اللي جايبته !
دخلت العنود وبيدها بلونه بالون الاسود ووقفت ثبَات تضحك بذهول من استوعبت وش تسوي : مو الحين !
العنود : الا الحين انا مافيني اصبر !
مناهل : علامهم ذولي !
تعالت ضحكاتهم بحماس من فهموا انه حان الان الوقت الي يعرفون فيه جنس الحفيد الثاني في كلتا العائلتين من طرف مطلق ومن طرف بارق ! ولفت سلطانه تشرح لجداتها مُختصر السالفه , ثبَات : عرفتي صح ؟
العنود : لا والله ابوك رفض يعلمني راح هو يعبي البلونه ! قهرني !
ضحكت تهز راسها : احسن
العنود : احمدي ربك تحملت ولا فقعتها
نجمه : بصاله مجهزه الاغراض انا هناك
العنود : تم
دخلوا الصاله وضحكت ثبَات بصدمه لأنهم الثنتين مخططين على كل شيء من امس : على كيفكم !
نجمه : ابد مافينا صبر نتحمل
وريد : يارب بنوته عشان ازوجها ليث
ثبَات : ياشيخه !
وهج : احس ولد وبتسمينه جابر
العنود : معصي
ملاذ : عمتي حاقده على عمي حييل
قمر : يلا فقعيها !
ثبَات : لا اول وش تتوقعون كلكم
نجمه : نبدأ من جداتي يلا
ابتسمت مريم : الي يجي من الله حياه الله
نجمه : لا تتوقعين يعني
مريم : يمكن ولد
لفت لمناهل الي نطقت : ولد
زهره : معهم
ديم : خير كلكم ولد !
لفت على عماتها الي اختلفت توقعاتهم بين البنت والولد والبنات الي اتفقوا على بنت , وصرخوا يدعون بنت وضحكت بصدمه : ليش بنت ؟
سهام : نبي بنت !
وريد : لولو تبين بنت ؟
هزت راسها لدّن , وتقدمت نجمه : صح ماسالتهم !
قرب منها محمد وضحكت : ها حمودي تبي بنت ولا ولد ؟
محمد : ولد
سند : ولد
نجمه : حاتم !
رفعته ثبَات لذراعها تساويه بطولها : لا حاتم يعرف !
سجى : اخس يالورع هو يعرف وحنا لا !
ام بهاج : اكيد بيعرف اخوه !
ثبَات : عنودي !
ابتسمت بعدم معرفه : ابي بنت بس احس ولد !
ناظرت حاتم تعطيه الدبوس تهمس له وتبوس خده : اكشف عن المجد ياعزوتها !
ضرب البلونه ببتسامه واسعه رغماً من انه خاف من الصوت لكن صرخاتهم وفرحتهم من تناثر الون الوردي اسعده ! اخذت وريد اليث تضحك : خلاص من الحين تراها محجوزه له !
ابتسمت العنود بتساع : مجد ؟
هزت راسها تبتسم من صرخات البنات وفرط الفرح الي جاهم منجد كانوا يبونها بنت وصارت بنت !
صورت سجى الورد المتناثر بالون الوردي لسعود وسرعان ماوصلها رده " كذابه بنت !"
سجى "يس"
سعود "حسافه كان عندي امل يكون ولد وتسميه سعود"
سجى "الحلم هذا تحلم به دايم ؟"
سعود "بعض المرات"
ضحكت تكلم ثبَات : سعود يقول كان عندي امل يكون ولد وتسمينه على اسمه
ثبَات : المره الجايه اذا جبت ولد
ضحكت بتساع : يعني لو اقولك تسمين سجى بتسمين ؟
ثبَات : الحين مجد المره الجايه بعد اسمي سجى
سجى : قطو كم بتجيبين ؟
ضحكت بعدم معرفه تلف عليهم وتشوفهم يرقصون بفرح وغنج لخاطر المجد وفرحه معرفتهم بوجودها , كلها ٤ شهور وتشرف دنياهم بحضورها , ٤ شهور ينتضرونها بفارغ الصبر والانتظار ! وتحديداً في أول أيام عيد الأضحى المُبارك حيث فرحه المُسلمين وتمجيدهم لشعيره من شعائر الله ينتشرون في بيوت الله العضيمه ليقيمون صلاه العيد .