ثبَات حكم مالك بالمجد مملوك

3

استغفرالله واتوب اليه
ثبَات حكم مالك بـ المجد مملوك ~

《 مزرعه الــ بــــــــارق 》

دخل بيت الوكر يتقدم لورّاد ويثبته على معصمه,يرفع خفاقه الي يحاوط عينه ويستخدمه لتهدائه الطير، وتقليل ثورته,ابتسم بهدوء يمسح على راسه:حيء الله الوارد!
رفع اردافه يرفرفر بجنحانه كاسلوب ترحيب,ابتسم بّود:
ياصقــــراً حبيته اكثر من الخــــــــــلق
و ناسً عاشرتهم سنين و عقــــــــــود
وطاب خاطر(ن)مناس يعدمون الوثاق
لا جلست بمجالس خف الحق بشــــهود
يكملون كذبهم ويخونون فيها العــهود"
سياف:صح لسانك!
لف بستغراب:صح بدنك
سياف وهو يضحك:وش تسوي
رجع نضره على صقره:نسولف مع ورّاد
تقدم سياف يجلس على السور:وش سالفه اناس؟
رفع نضره له بستغراب:وش ناسه؟
سياف:مدري انت تقول يخونون عهود وعقود وثاق ومدري وش بعد
مَالك:ايه,وش دخلك؟
ضحك بصدمه:شدعوه ياولد العم بس سؤال يعني من خلال خبرتك بالحياه يعني عطني نصيحه تفيدني
مَالك:لا تعطي سّرك شخص حتى لو كان اعز ناسك
ناضره بستغراب:ليش؟
رفع كتوفه بخفه:مالهم امان
سياف بذهول:طيب واذا كان صديقي؟
مَالك:احذر من عدوك مره واحذر من صديقك الف مره,انت تعرف ان عدوك بيضرك مره وحده,بس صديقك عند المحطه الاخيره بيخونك فيها,المراجل ياسياف بالافعال وليس بالاسم اذا هي مجرد اسم بيقدر حتى الحيوان يكون رجال
سياف:يعني ماقول سري لحد!
مَالك:يفضل لك
سياف وهو يرفع يده لفمه بورطه:وانا أسراري مطشره بكل مكان يمدي ارجع اجمعها؟
مَالك:قم انقلع عن وجهيي!
ضحك بورطه:افا ليه؟
مَالك:انت وش جابك هينا اصلاً!
سياف:جيت اشوف بنت عمـِ.. اقصد سمعت صـوتك وجـ..
صرخ من بتر حروفه:انا ولد ابوي ولده!
سياف بذهول:احلف عاد صدق صدق انت ولد ابوك يارجال لو ماقلت حسبتك ولد امك
مَالك:الله يرحمها!
ابتسم بوهقه من استوعب:الله يرحمها اسف والله
مَالك:وش تسوي داخل؟
سياف:يارجال بس بسلم على جداتي شفيك علي انت!
مسك ابتسامته يخفيه:واضح والله انك ماتستاهل اسم ابوي يا اردي!
سياف:افاا يابو ذا العلم!
دخل سطام:وش تسون؟
مَالك:انت الي وش تسوي هينا بعد من جاي تشوف!
سطام بصدمه:سياف الله يلعنك
توسعت نظراته بصدمه:سطام سياف وقسم بالله لا تخلوني ارجع اعلمكم المرجله من جديد!
سياف بورطه:وش سوينا!
مَالك:تعرف ماله داعي اقولك!
سطام وهو يقرب يبوس خده بسرعه ويبتعد:روق روق وبعدين حنا مارحنا علشان شيء ثاني والعياذ بالله حنا بس رحنا عشان نواسي جداتي ونغير نفسيتهم عشان جدي حاكم الله يشفيه ويطلع بسلامه
رفع حاجب:شايف على جبهتي نقطه هنديه ولا اصغر عيالك يوم تكذب!
سياف:يارجال انت تسوقها على مباحث صاحي انت!
سطام وهو يتنهد بطفش:صح نسيت يعني واضح!
مَالك:اعقل انت وياه!
سياف بملل:انت متى تتزوج عشان تفتح لنا الطريق!
سطام:ايه والله نبي نفرح!
مَالك بصدمه:وجدكم بالمستشفى!!
سياف:لا يعني إذا صحى ان شاء الله
مَالك:قم توكل انت وياه قم!
سطام بطفش:ساعات اشك انك شايب!
سياف:انا متأكد!
مَالك وهو ياخذ ورّاد:تدرون وشلون انا الي بطلع!
طلع متوجه للمشب عند جده حاتم,الي تدهورت نفسيته من بعد حال اخوه,طول وقته صامت وهادئ بشكل موجع:سلام عليكم ياجدي
رفع نضره له بهدوء:وعليكم السلام
تقدم يجلس جنبه:كيف حالك ياجدي؟
تنهد بضيق:مالي حال ياوليدي وان كان لي حال هي العال
مَالك:لا بسم الله عليك!
مسح دمعته بطرف شماغه:ليتني كنت معه ومهتم فيه ياحرقه صدري يامَالك
تقدم يبوس راسه ويشابك كفوفه وسط يده:جدي!انت منت مؤمن بقضاء الله وقدره!
الجد حاتم بحزن:الا والله بس قلبي قلبي رهيف مايتحمل البعد عن اخوي
ابتسم بضيق:الله يقومه بسلامه ويجمعكم على خير,اكلت ادويتك؟
هز راسه بنفي:مالي نفس فيها
زفر بخفه يوقف ويأخذ علبه ادويته:ياجدي تكفى انا طالبك تنتبه لنفسك ولصحتك!