ثبَات حكم مالك بالمجد مملوك

18

استغفرالله واتوب اليه
ثبَات حكم مالك بـ المجد مملوك ~

ثبَات بضحكه : الذهب !!
العنود بشهقه : صح نسيته !!
لفت على جابر الي انهى المكالمه يتنهد , عقدت حاجبها : طيرتها ؟
ناظرها بصمت يهز راسه بالايجاب ورجعت ضهرها للكنب بعدم اهتمام : باقي الذهب !
جابر : وش ذهبه بعد ؟!
العنود : ذهب عشاني زوجه صالحه
ثبَات : مع جنبها والله
صفقتها وزفرت : خلاص اليوم صفقتيني بزياده !
ناظرت جابر بتنطيش : بكره يجي طقم ذهب ..
هز راسه بصبر : ابشري .
سعود وهو يضحك : ياعمري يابوي استسلم للأمر الواقع
وقف جابر : يلا تصبحون على خير والي بيجلس لثلاث يصحيني عندي دوام ،
ثبَات بشك : متأكد دوام ؟
سحب المخده يحذفها عليها بقهر : ابلعي تراب
ضحكت بعبط تناضر العنود : خاف تشوفين ؟
رفعت حاجبها العنود , وزفر : وقسم بايات الله أن محد مالي عيني الا انتي بس يرحم ثنين جابوك فكيني من الخرابيط الي مامنها فايده وخرابت البيوت هاذي اقلعوها عني
ثبَات بذهول : أنا !
جابر : اجل انا !!
سهام وهي تحضنه وتضحك : هم بس بيرفعون ضغطك معليك منهم روح نام وريح وانا بقومك
ابتسم بخفه يقبّل خدها : ياقلب قلبي انتي
ابتسمت تشوفه يطلع فوق ورجعت تجلس : حرام عليكم لا تعصبونه !
العنود : يستاهل صارلي شهر اقوله ابي ذهب !
سجى : خلاص بكره بيجيب لك روئي
هزت راسها بزين , وعقد حواجبه سّهم : امي متى موعدك الجاي ؟
العنود : بكره الساعه ٨ ويمكن فيه اعرف جنس البيبي
ابتسم سعود بوسع : اجل بروح معاك
سجى : وانا بعد
سهام : خير وانا معكم
سّهم وهو يضحك : اجل انا بوديكم
ضحكت بذهول : وش جاكم !
سهام بضحكه : لازم نروح
هزت راسها بتمام ولفت لثبَات الي تطقطق بجوالها  : بروح اذا اقنعتي زوجك يفكني من شركته
العنود ببتسامه : معليك عندي ،
وقف سّهم : تصبحون على خير
العنود : بدري
سهام بستخفاف : انتي نايمه حنا مانمنا بعدين ورانا جامعه !
سجى بذهول : والموعد ؟
سّهم وهو يطلع الدرج : الساعه ٨ ماعندي محاضرات
طلعت خلفه سهام : وانا الدكتوره تطلعني عادي ،
تمددت ثبَات على الكنب , سعود وهو يتقهوا : ثبَات بتنامين هينا ؟
العنود : ايه باقي ماخلصت تحقيق
ضحكت غصب : في وش ؟
العنود : في اشياء واجـد
هزت راسها بتقبل , ولفت لسجى وسعود: يلا فارقوني
سجى بذهول : هاذي طرده ولا وش !
العنود : والله يماما افهميها زي ماودك قومو
تنهدت بملل : مافيني نوم
العنود : وش اسوي لك
سعود : انا بجلس اخاف تقبع بينكم وتذبحون بعض ومحد درا عنكم !
العنود : اقول قم تقلع عني واخذ اختك معك
طلعو لغرفهم وهم يتحلطمون , وتنهدت ثبَات : ماني قايله لك شيء ثم تجلسين تصيحين عشر ساعات !!
زفرت العنود : مراح اصيح ..
ثبَات : قلت لك كل شيء
العنود : وانتي الي شاريه البيت ؟
ثبَات : ايه
عقدت حواجبها : ومن وين لك ؟
ثبَات : رزق
العنود : تكلمي زين لصكك كف
جلست تتنهد : اوعديني ماتصيحين !
بلعت ريقها : بحاول والله
ثبَات : قبل امي لا تموت تركت صندوق امانه عند ابوي واطلبته انا اذا كبرت افتحه ..
تأملت ملامحها الي تلونت بالأحمر دلال على كتمها لدموع لان ببساطه طاري اختها كان كفيل يقتلها : وش قلنا ؟!
هزت راسها تهمس بغصه : كملي !
تنهدت تكمل : ويوم صار عمري ٢٠ بابا عطاني الصندوق وفتحته وكانت ورقه مكتوبه بخط يدها .
فتحت جوالها تطلع صورة الورقه وتمد لها الجوال , بلعت ريقها تاخذه وتقرا الكلام بدموع تنهمر بصمت "ابنتيّ الوحيده قلب مَاما وروحها لديّ طلباً صغيراً لك ياعزيزتيّ اتمنا ان تُحسني إلى عائلتي ولا تهجرينهم يوماً فـ والدي حارب اشياءً كثيره لِوحده واتمنى ان تكوني السند له وأما والدتي هي نور عيناي التي ارئ بها عتمة اليالي واخواتي الجميلات أسماء روحي والعنود قلبي لمّ أكن أعلم يوماً انها سوفا تبتعد عني ولكن لا تزال عزيزة روحي وقلبي اتمنا من أعماقي ان تحسني لهم وتجبريّ حزنهم وتعامليهم كوالداتك مثلي تماماً وبنسبه إلى اخي الوحيد "مشعل" تسنديه دوماً إلى أن يصبح قادر على الحركه فهو ياجميلتي انغدر من اخوه ! وأصبح عاجز عن الاستيعاب اتمنى تسنديهم كل وقتك وتسعديهم وهاذي امانه اتمنى تسلميها لعائلتي .. " اكملت : وامانتها كانت مبالغ تتوزع بينكم لكن بعد مامات خالي مشعل اخذت قسمه وتصدقت فيه وعطيت حق خاله أسماء وانتي ابوي عطاك حقك بدون لا يقول لك وبنسبه لجدي وجدتي رفصو ياخذون نصيبهم وبنيت فيها البيت وزدت عليه من راتبي ولله الحمد ماقصرهم شيء .
وتقدمت تجلس على ركبها قدامها : وابشرك بعد تولين رجعت سخر لها ربي رجّال جابها من أقصى الارض للجنوب انعمت عينها لكن الآن مسافره تسوي العامليه وبترجع بعد عدت ايام , وريد ونجمه وقمر كلهم بخير وصحه الحمدلله وجابت خاله أسماء بيبي جديد
ابتسمت بخفه : كبر سنودي ! اسمه محمد وجدي حاط أمله كله بذا النتفة وكل يوم يهواشه يبي يعلمه علوم المراجل , و وريد متزوجه ولد صاحب جدي رّواف ويصير اخو نواف زوج تولي النتفة وكلهم بخيــرر وصحه وعافيه ومرتاحين بحياتهم صح ان بالبدايه كان جدي تعبان من كلام الريجيل عنه بسبب ان ماعنده ولد يشيله لكن كلها كم يوم واحقق رغبته واجيب له سّهم وسعود لين بيته وبيضحك وبيبنسط وبيفتح لك احضانه , لينك بنته وعينه مهما قسى عليك يحبك لينك قطعه من قلبه وقطعه من روحه , وعد والله وعد كم يوم بس كم يوم واجيبك لين عنده ..
رفعت اناملها العنود تمسح دموعها , وفتحت جوالها ثبَات تخرج صوره لمطلق وهو شايل لدّن ومحمد بين يدينه ويبتسم , ابتسمت غصب تشوف عيونه المتغورقه دموع تتامل ابوها بشــوق ولهفــه تتامل الشيب وتبكي : وهاذي لولو زوجة حمودي
مقدرت ماتضحك تمسح دموعها وترجع تضحك : مين ؟
ابتسمت ثبَات : بنت وريد
لانت ملامحها : عندها بنت ؟!
ثبَات : بنت رّواف من طليقته بس طليقته ماتستاهلها
بلعت ريقها بحنيه : وريد ؟
ثبَات : يعشقها يموت فيها مسميها ام لولو بعد لينه يدري ان ام بنته المصروعه ماسوت الي سوته وريد له ولبنته سنعه والله بسم الله على قلبها ،
العنود بشوق : ونجمه ؟ وقمر كانت بزر وتولين ياقلبي عليها
ضحكت تشوف لهفتها لهم : نجمه تربي في ذا المحمد والدّن هي الي ماسكتهم مع قطواة وريد الي ملي البيت وقمر مهبوله بس تضحك سجى بضبط وربي تسخ لصق وتولي..
تبتسم بحنان : صغيره معد تتحمل الاذيه تخاف وتبكي من ايء شيء
بكت بضيق : الله يسامحه مشعل الله يسامحه ..
ثبَات : خاله أسماء تحبها وعوضتها وجدتي تموت فيها وقمر ماتقدر تنام بدونها ونجمه ماترتاح لين توكلها وتنومها وريد كل يوم تدق على نواف وتطمن عليها والحين دورك انتي تعوضينها , نهايه الأسبوع بروح للجنوب وبتروحين معي
رجف قلبها , الجنوب ؟ ديرتها ؟ الي طلعت منها ولعد رجعت , تخاف وتهاب ردة فعل ابوها , تهمس وتحاول تهدي رجفه يدها : أنا معاك وزي ماوعدتك وانا عند وعدي انتي بس لا تخافين والحين نامي عشان بكره نشوف اخبار سنودي ..
قامت وقومتها معها تسندها وتطلع لفوق : اهم شيء تنامين ماتفكرين ،
مددتها على السرير ولف جابر بستغراب : شفيها ؟
ثبَات : نومها لا تخليها تفكر اذا فكرت بتموت بكي
زفر يسحب المخده ويرميها عليها بملل : وانتي بس تصيحينها !
ضحكت العنود غصب عنها من ردة فعل ثبَات : والله زوجتك الي هي مبلشتني !
ابتسم براحه : لا مدام تضحك أمورها بسليم
ضحكت تفتح الباب : يلا تصبحون على خير
جابر : بتروحين !
ثبَات : بروح لغرفتي مافيني حيل اروح للبيت
هز راسه بزين وطلعت تسكر الباب خلفها , وتنهد يناظرها : وش صار ؟
العنود : لا تزود علي يكفي بنتك .
ابتسم بخفه : شفتي فضولك وين يوديك !
العنود : على الاقل هي طمنتني ريحت قلبي مو انت شهور وانا أسألك وش صار عليهم وتقول مدري !
قطع انقاش لانه يدري لو طال بتبكي لا محاله : مايهم اهم شيء انتي وسند الحين ..
قطع انقاش لانه يدري لو طال بتبكي لا محاله : مايهمني اهم شيء عندي الحين انتي وسند ..
العنود بهدوء : واذا طلعت بنت ؟
ابتسم بخفه : الي يجي من الله حياه الله .
شابك اناملها سوا : بكره عندي موعد بتروح معي ؟