جروح الروح

الفصل الثامن

انا زعلانه منكم علي فكره 🙂كل اللي بيقرا ومش بيعمل تصويت انا زعلانه منه 🙂 اعملو نجمه وانا اصالحكم 💔⭐

وعلشان كدا التنزيل هيبقي يوم ويوم لا

...،....

فتح عينيه بفزع وتحرك مسرعا الي الاعلي حيث غرفتها وجدها ممدده علي الارض بحث عن اي دماء لم يجد يبدو أنه أصابها حاله اغماء من الضغط النفسي وعدم تناولها للطعام

حملها برفق ووضعها علي فراشها تحرك الي طاوله زينتها يبحث عن عطر لجعلها تستفيق ،،دقائق لترمش بعينيها ببطئ ...

كانت الرؤيه مشوشه قليلا وجدت شخص يجثو بنصف جسده فوقها يقترب منها بشده اتضحت الرؤيه لتراه ادهم يناظرها ... صرخت برعب ودفعته بعيد عنها بخوف ...

ادهم ______ اهدي متخفيش انتي كويسه

بتول بصراخ ______ ابعد عني

ادهم ______ متخافيش مش هعملك حاجه

بتول _______ ابعد عني ابعد عني

ادهم _______ هبعد متخافيش ااا لازم تأكلي

بتول _______ مش عايزه

ادهم ______ كلي وانا مش هقربلك

بتول وهي تضم قدميها بخوف ______ لا لا

ادهم وهو يتقدم بخطوات بسيطة يوهمها بالتقدم ويقنعها أن تتناول طعامها_____ ها هتاكلي ولا اقرب اكتر

بتول مسرعه _____ لا هاكل

ادهم ______ طيب يلا وريني هتاكلي ازاي

بتول ______ امشي وانا هاكل

ادهم ______ لا ويلا

بتول بدموع  ______ لو ممشتش هصوت وانادي جدو وطارق

ادهم ______ صوتي من. هنا للصبح محدش هيجيلك علشان مفيش  في البيت غيرنا

بتول بدموع ______ انت عايز مني اي تاني

ادهم _______ مش عايز عايزك تأكلي وبصي هقف في الشرفه لغايه ما تخلصي ووعد همشي

قالها وتحرك الي الشرفه ينفث بغضب دفائق وارتفع رنين هاتفه الساعه تخطت الواحده منتصف الليل

:- الو ...امممم ..كويس الكاميرات فرغتوها كويس تعرفلي البيانات بالتفصيل المُممل في اقرب وقت .... عارف ان الموضوع بقاله اكتر من عشرين سنه بس حاول وكله بحسابه .هستني مكالمه بالتفاصيل في اقرب وقت

.،...،.،.،،.

خرج من الشرفه وجدها أنهت طعامها بخوف ..

ادهم بهدوء _______ تصبحي علي خير

بتول بخوف  ______ ج جدو فين

ادهم ______ تعب شويه في المستشفي

شهقت بخضه ______ عايزه اروحله