جروح الروح

الفصل الخامس عشر

صفاء ______ حبيبتي مش هينفع تقعدي كدا من غير متابعه علشان صحتك يلا اجهزي ونروح مع بعض للدكتوره

حور ______ انا فعلا محتاجه اروح

صفاء ______ طب يلا هستناكي تحت

حور _______ ماشي

..

خرجت حور مع والدتها لزياره الطبيبه .. 

$$ لا لا وضع الحمل مش كويس خالص يا مدام مفيش اهتمام مفيش رعايه ودا غلط جدا لو استمرت علي الوضع دا للاسف الجنين هينزل

حور ______ والحل

$$ انا هكتبلك شويه ادويه وفيتامينات لازم تمشي عليهم بانتظام وياريت نهتم بالاكل شويه

حور _______ حاضر

..

صفاء ______ سمعتي كلامي

حور ______ اعمل اي بس يا ماما الموضوع صعب عليا يكون جوايا بذره من أكبر شخص بكرهه من شخص حقير انا مش عارفه هيبقي زيي أبوه ولا هيبقي زيي مين يا ماما انا خايفه يكون نسخه منه

صفاء ______ معلش يا حبيبتي ربنا يعوضك بالاحسن واكيد انتي هتربيه علي الحب والحنان وهيبقي عكسه

حور _______ يارب يا ماما

صفاء ______ السواق اتاخر ليه قيلاله ساعه وتعالي

حور _______ تلاقي حد بعتله يروح مشوار

صفاء ______ تلاقي الست ماجده بقولك اي يا حور خلي بالك منها وأن اتكلمت معاك في كلام مترديش عليها كلامها مش صحيح

حور بحزن _______ انا عارفه كلامها سمعتها وهي بتخانق مع سليم اخر مره مكنتش اتوقع منها كدا هي اهلي وبتتكلم عني كدا طيب الناس الغريبه تقول اي

صفاء _______ ماجده بتكرهني انا من زمان يا حور مش دلوقتي هي قالت كدا علشان انتي بنتي ربنا يهديها

حور ______ امين ..اوقف تاكسي

صفاء _______ ايوه خلينا نروح

أشارت حور والقت العنوان علي السائق ... دقائق ودقائق

حور ______ مش دا الطريق انت يا استاذ بقولك رايحين **** انت ماشي منين

$$$$ معلش يا استاذه في كمين في الطريق التاني همشي من هنا

حور _____ طيب ماشي بسرعه شويه

$$$ حاضر ...

***************

وصلت نونا الي مقر شركه ادهم وهي تنوي الكثير ...

السكرتيره ______ في معاد سابق

نونا _______ لا يا عنيا

$$$$ اسفه يا فندم لازم يكون في معاد سابق

نونا _______ يعني اي بقولك هدخل يعني هدخل والا هقلب الدنيا عليكم

$$$$ هطلبلك للأمن يا ست انتي احترمي نفسك انتي عارفه انتي واقفه فين