جروح الروح

الفصل التاسع عشر

ممنوع نقل الروايه أو اقتباسها ❌❌

بتول ______ انا عندي ارتجاع في المريئ

ادهم باستغراب ______ يعني اي

بتول _______ انا لما بتوتر أو ازعل أو اكل كتير بليل بيحصلي كدا لو كلت بعدها مفيش اكل يستقر في المعده بفرغ كل اللي فيها وبعدين أنام برتاح

ادهم _______ ايوه بس كدا غلط

بتول ______لا انا اتعودت

ادهم ______ طب مفيش اي ادويه أو حاجه تاخديها

بتول وهي تغمض عينيها______ لا،،، ساعه بس وصحيني هبقي تمام

ادهم ______مش مرتاح انا للحوار دا بس ماشي لو حصل حاجه تانيه نادي عليا انا تحت مش راجع الشغل تاني

اومئت غير قادره علي التحدث أو فتح عينيها شعور مؤلم ما تشعر به بعد كل مره تنتابها هذه الحاله تشعر بخروج روحها من جسدها وعودتها مره اخري ،، قد يظهر الأمر للبعض كشئ عادي مجرد تقيئ ولكنه صعب كثيرا للغايه

تختنق وتتوقف انفاسك لبضع دقائق كافيه بأن ترهق الجسد والروح وتشعرك بالخمول وبروده الأطراف ومن ثم الارتخاء في بؤره سوداء عميقه ....

وضع ادهم الغطاء بحنان فوقها وقبل رأسها ...

شاكر ______ اي مالها

طارق بحماس______ الدكتور جاي صح

ادهم ______ لا بتقولي أن هي واخده علي كدا شويه كدا وهطلع اشوفها لو متحسنتش هخدها اكشف عليها

طارق بخيبه أمل _______ يا خساره لا بقي انت يا استاذ ادهم مينفعش كدا

ادهم باستغراب _______ في اي

شاكر بضحك _______ اسكت الله يكسفك هههههههه

طارق ______ لا الموضوع ميتسكتش عليه هو اي دا انا هصبر لأمتي تاني

شاكر لم يستطع التحدث وانخرط في نوبه من  الضحك لفهمه مغذي كلمات طارق ...

ادهم _______ انا مش فاهم حاجه انت بتتكلم عن اي

طارق ______ انا عايز ابقي عمو

ادهم _______ ايوه يعني اعملك اي

طارق _______ انت متجوز بقالك كتير وكدا كتير

ادهم ______ انت شكلك اتجننت رسمي

طارق _____ انا احتج انا من حقي يكون عم الفتره دي انت المشكله عندك

ادهم ______ لحظه ثواني انت تقصد عايزني اخلفلك عيل

طارق بهجوم مضحك______ المفروض يكون يتولد دلوقتي أو يكون بتول حامل فيه دلوقتي لكن اي بقي كل التأخير دا كله

ادهم ______ نعم يا اخويا وانت مالك

طارق ______ لا مالي ونص كمان انت عايز الناس تاكل وشي بسببك علي التاخير دا كله