جروح الروح

الفصل الحادي عشر

سلاما علي الضاحكين كثيرا وفي قلوبهم فوق البكاء بكاء

❤️

شهق الجميع من الصدمه ارتجفت حور بخوف وبدأت تصدر همهمات قويه ..

حور _______ لا لا يا بابا لا متخلهوش باخدني لا لا

احمد _______ شايف حالتها ازاي يا فندم يعني والضرب اللي علي وشها ازاي عايزنا نسيبها تروحله تاني مستحيل

$$$ بس دا شغلي وقانون اعمل اي

مصطفي _______بس كمان احنا رفعنا قضيه خلع امبارح

$$$ ممكن اشوف الورق

مصطفي ______ ايوه طبعا ثواني

تحرك مصطفي سريعا إلي غرفته يحضر الاوراق التي أرسلها له المحامي أمس ونسي أن يخبر والده ...

:_ اتفضل

$$$ تمام مظبوط شكرا واسفين علي الازعاج

احمد _______ وبيت الطاعه

$$$ لا بموجب الاوراق اللي معاكم باطل هو شكله ميعرفش أن في قضيه اترفعت عليه وانا هتغاضي عن الطاعه بسبب حالتها اخواتي زيها متمناش حاجه زيي كدا تحصلهم بعد اذنكم

احمد ______ اتفضل

تحرك الجميع براحه منهم من جلس ومنهم من صعد إلي غرفته ولا يوجد حديث بينهم بينما حور ذهبت سريعا تندث بين احضان والدتها ترتعش خوفا ،،

ماجده _______ ابنك مرجعش القصر يا احمد

احمد _______ وانتي عايزه منه اي سبيه يريح أعصابه

ماجده _____ يريح أعصابه ولا اخوك وأولاده يرتاح

احمد _______ ماجده الزمي حدودك

ماجده _______ لازمه حدودي من زمان يا احمد بيه ولا ليا كلام عليك ولا علي ابنك جايبين بنفسكم وجع القلب

احمد ______احنا بنحب وجع القلب

ماجده ______ واضح دا بدل ما تعقل ابنك وترجعه عن اللي في دماغه وتقوله اتجوز الدنيا موقفتش علي واحده وكمان هتبقي مطلقه

احمد وهو يستفزها ______ وهي المطلقه متتجوزش تاني ولا اي بطلي بقي نظره التخلف والجهل اللي عندك مالها المطلقه يا هانم مش انسانه زنبها اي ان نصيبها جه مع واحد مصنهاش والحياه بينهم متأقلمتش

ماجده _______ واشمعنا ابني

احمد _______ نصيبه

ماجده _______ والله انت وابنك العيشه بقت صعب معاكم

احمد ______ الله يرحم يا ماجده هانم ،،،واسمعي بقي أما اقولك وأشوف كلامي هيتنفذ ولا لا ملكيش دعوه بسليم والكلام اللي في الرايح والجاي دا بلاش منه سامعه ولا لا

ماجده _______ دا ابني وانا عارفه مصلحته فين

احمد ______ ابنك كبر وهو الوحيد اللي عارف مصلحته فين انتي خلاص مهمتك انتهت