جروح الروح

الفصل السابع عشر

والله ما بدأت خصاما ولا هجرا ولا هانت عشره علي ابدا ولكني أن تاذيت اعتزلت ..

***

كان يقف بغرفه الملابس مستعدا للخروج

ادهم مناديا  ______ بتووول

بتول _____ نعم

ادهم _____ فين باقي اللبس بتاعي

بتول ______ ثواني هجيبه من تحت

ادهم ______ طيب بسرعه

رن هاتفه ___ الو اي ..والله طيب ماشي تمام

بتول وهي تحمل الكثير من الملابس بالكاد تستطيع الرؤيه والسير ... وصلت إلي الجناح ليساعدها ادهم

ادهم وهو يحمل معها القليل _____ اي دا كله

بتول _______ كانو بينضفو لبس جدو وطارق

ادهم ______ خلاص بقي مش خارج

بتول بخجل بعد أن رأته يقف عاري الصدر يرتدي فقط بنطال قطني ...جائت لتخرج من غرفه الملابس ،استوقفها بمرح يشاكسها كلما تحركت في اتجاه يقف أمامها ..

بتول بخجل _____ ادهم

ادهم _______ هههههههه نعم

بتول ______ عايزه اخرج

ادهم _______ الله وانا ماسكك اخرجي 

جائت لتخرج ليتعرض لها مره اخري ويري بوضوح تصاعد الخجل واحمرار خديها باستمتاع .... لتستغل شروده بوجهها لتخرج متسلله سريعا ،، تصاعدت ضحكات ادهم عاليا وتبعها دون أن يرتدي شئ

بتول بخجل انزلت عينيها أرضا ونظرت الي. كل شئ عداه ...بتول _______ انت مش خارج

ادهم _______ لا الاجتماع اتلغي ..

ارتمي بجسده فوق الاريكه يجاورها بعد أن اشغل شاشه التلفاز ...

بتول ______ اعملك فشار

ادهم ______ لا متتعبيش نفسك هتفرج وانا ساكت وهنام شويه

جلست مره اخري جواره ليفاجاها بوضع رأسه فوق قدميها ،،،لتسري قشعريرة علي طول عمودها الفقري

بتول ______ ممكن اسال سؤال

ادهم وهو مغمض عينيه _______ قولي

بتول ______ هي هو

ادهم ______ ايوه هما مين هههههه

بتول ______ انت عايش مع جدو علي طول اقصد يعني

ادهم ______ فهمتك عايزه تعرفي بابا وماما اتوفو امتي

بتول ______ ايوه

ادهم ______ من زمان اوي يعني طارق كان عمر سنتين

بتول ______ ياااه من زمان اوي وبعدها عيشت مع باباك وجدك

ادهم _______ تؤ تؤ مش الموضوع كدا ماما وبابا وتيتا ماتو في يوم واحد

شهقت بتول ______ انت بتقول الحقيقه