جروح الروح

الفصل الثامن عشر

كل سنه وانتم طيبين ورمضان كريم عليكم وعلي الامه الاسلاميه وتنعاد علينا جميعاً الايام باليمن والخير والبركات 🥀❤️❤️

فصل طويل ❤️🥰

*******

وصل ادهم أسفل منزل صديق طارق تردد كثيرا في الدخول ساعات قليله وينتهي الليل ..  اجري مكالمه اخيره لطارق قبل أن يصعد الي صديقه .ولكن مثل سابقتها الهاتف مغلق ..

طرق ادهم الباب وهو في قمه الاحراج والخجل انتظر الرد كثيرا إلي أن فتح الباب

مراد ______ ادهم بيه اتفضل

ادهم ______ انا اسف جدا أن جيت في وقت زيي دا يا مراد

مراد ______لا طبعا متقولش كدا اتفضل

ادهم رافضا بقوه _____ لا لا معلش طارق متعرفش هو فين انا ممعيش رقمك علشان كدا اضطريت اجيلك البيت

مراد ______ طارق روح من بدري اوي احنا كنا مع بعض وباقي أصحابنا بس روح علي الساعه 12 أو 11

ادهم بقلق ______ لا مرجعش البيت لدلوقتي طب ينفع تكلم صحابك يمكن مع حد منهم

مراد ______ طارق روح اول واحد واحنا استنينا شويه وروحنا

ادهم والخوف تصاعد ______ ماشي يا مراد شكرا واسف الي الازعاج

مراد _______ مفيش حاجه انا هتصل دلوقتي علي كل أصحابنا وهرد عليك

ادهم _______ طيب خد رقمي وكلمني في اي وقت

مراد _______ ماشي

بعد أن غادر ادهم ظل مراد ينظر له بدهشه لقد تغير ادهم كثيرا لم يصدق طارق عندما كان يتحدث معه ولكن الآن صدق وشاهد بعينيه

****

ادهم ______ روحت فين يا طارق بس يارب استر

اجري ادهم العديد من الاتصالات الكثيره وكذلك الحرس الذي كلفهم بالبحث ايضا ..،،تحدث مع مراد مره اخري والذي أخبره أنه لا احد يعلم عنه اي شي ...

كان في طريق العوده الي المنزل ولكن أتاه اتصال من رقم غريب ..

ادهم ______ الو طااارق انت فين

طارق بتوتر  _____ انا كويس الحمدلله

ادهم بغضب نابع من خوفه  ______ بقولك انت فين يا متخلف انت عارف انا بعمل اي دلوقتي داير الف عليك في الشوارع

طارق بخوف وترتر ______ادهم

ادهم ______ معاك ٣ ثواني تقولي انت فين لدلوقتي

طارق ______ في القسم

ادهم بصدمه وتوقف بالسياره محدثا صوت مرتفع نتيجه احتكاك الاطارات ______ نعم قسم اي وليه

طارق _____ كنت في المستشفي وبعدين خدوني القسم في **** وتلفوني فصل شحن معرفتش اكلمك واخيرا سمحولي استعمل مكالمه