جروح الروح

الفصل العاشر

إياكم و كسر الخواطر ..
فهي ليست عظاماً تُجبر .. وإنما أرواح تقهر 💔
...
معلش علي التاخير بس عندي صداع مؤلم جدا مش عارفه اركز اكتب😔 بقالي اسبوع مش عارفه اتخلص منه  💔😔
اتمني الفصل ينال اعجابكم....

......

بالفعل رفعت حور قضيه الطلاق ولم يتركها سليم ومصطفي الا وأجرت كشف كامل لها للاطمئنان عليها

ترجلو الي القصر بعد ساعات من الإجراءات القانونية والأمور اللازمه ..، تفاجأ الجميع بها هرولو إليها باشتياق بالغ .. لم تتركها والدتها صفاء كانت تحتضنها وتبكي وحور تبكي أيضا بدورها ايام معدودة من الفراق كانت بمسابه الأعوام ..،

علي ______ حور سامحيني يا بنتي سامحيني انا السبب في اللي انتي فيه

حور من بين بكائها وشهقاته ____. لا يا بابا مش انت السبب انا السبب انا اللي انخدعت فيه انا اللي كنت سازجه بطريقه كافيه أنه يخدعني ويمثل عليا بمنتهي السهوله

مصطفي ______ خلاص يا حور لا انتي ولا بابا السبب الوحيد السبب هو سليم

نظر له سليم بعدما كان غارقا بتفقدها وارتوائه من ملامحها التي اشتاق لها بكل جوارحه ..

نطقت  ماجده بدلا منه ______ ابني السبب في اي يا مصطفي افندي هو اللي قالكم جوزوها في اقل من شهر
دا اي عقل عندكم دا الكل اعترض واتكلم معاكم وانتم كنتو مصرين علي رايكم ابني السبب في اي

مصطفي بغضب من خوفه علي شقيقته ___ انتي متعرفيش حاجه متعرفيش الحقير اللي اتجوزها طلع بسبب اي بسبب البيه ابنك بينتقم منه فيها

صفاء صارخه ______ وبنتي مالها دخلها اي في الحوار منتقمش من أخته ليه ولا علشان سما صغيره ملقيش غير بنتي

مصطفي _______ لا مش علشان كدا يا ريت طلع علشان البيه ابن عمي المحترم بيحب بنتك وقايل لصحابه

شهق الجميع من الصدمه كلا من علي وصفاء وسما ومريم عدا سليم وأحمد ..

احمد _______ اخرص يا مصطفي اخرص خالص

مصطفي _______ لا مش هسكت مش دي الحقيقه اختي كانت كبش الانتقام اتعذبت واتهانت وبقت مطلقه بسبب ابنك

علي _______ مصطفي انت اتجننت كلام اي دا

مصطفي ______انا بقول الكلام اللي امجد قاله

علي ______ وهو فين الحيوان دا انا لازم نربيه الحقير

مصطفي ______ الله اعلم عايش ولا ميت سليم بيه قام بالواجب وزياده

سليم خرج اخيرا عن صمته  _____ مش حرام ولا عيب أن احبها ولو في حد السبب يبقي انت وابوك السبب انتو اللي حرمتوني منها انتو اللي خليتو واحد زباله يخطفها مني من غير حتي متعرفوني اتفاجئ زيي الغريب بالخطوبه