أنا الكبرياء في زمن التصاغر
أنا السرّاء إذا إقترب الضرر
أنا الدواء لكُل مُتجاسر .
#إختلال
بقلم:-فاطِمة عبد الرضا
قراءة مُمتعة ♥️
ما جاوبتها
بقيت كاعدة وي البنات نسولف ونضحك ما عدى مياسة عازلة نفسها وتلعب بتليفونها
نص ساعة ما دامت هالگعدة الحلوة من اجانه أتصال نَهضني من مكاني وأفزعني من شهگاتهم
-ابن موت جايكم بالطريق
انخبصت بيبي تبچي ونسوان عمي مطنگرات
والبنات مستغربات نفس حالتي تَماماً
الجَدة:ولچن يمعزايات گووومن وليدي اجة
سهاد:من زمان طلع من هالعائلة منين اجة ابنج
صاحت بيها بصوت گمزني من مكاني :-ولييي عن وجهي هالحچي اذا اسمعة وعلي افرك حلكچ
أمل:عـمو !!
الجَدة:اي ولچن گومن عزلن وياي البيت
گمت وياهن واني اتذكر ذاك اليوم الي مُستحيل انسى
البَعدة ما اتذكر منة شي بس هاليوم ما انسى
گامت بيبي اتسوي الاكل وما نشم غير الروائح التفتح النفس
أمل:احس مستصعبة هالأمر شلون يدخل شخص جديد بعائلتنة ؟
-اسكتي لا تسمعچ بيبي ، بس هوَ عمنه
أمل:بس صار شگد ما شايفين اصلاً ما اتذكرررة
سَكتت ، تقريبًا ساعة و اندك الباب راحت بيبي تفتحة
دقايق وما نسمع غير بس صوت النحيب والبچي
دخلت بيبي ودخل وراها
انصدمت من شَفتة اتذكر شايفتة ابدًا مو نفسة الراح
طويل وضخم بشكل مُخيييف ومُرعب
لحيتة طويلة وحاجبة مطبور
نزلت راسي فوراً واني اطرافي ترتجف
حچه وچان صوتة خشن حَيل
ابن موت:-اللله يسلمكم
اتحمدوله نسوان عمي على السلامة بس احنه واگفين ما مستوعبين ونص تعرفة ونص لا ، احاول اجمع افكاري اني لككن ما اتذكر فقط ذاك اليوم
گعد على القنفة وبيبي تشم وتبوس بي
ابن موت:-لك هاي شنو البيت نفسة نفسة ما اتطورتوا
سهاد:الظاهر بالسجن چان اكو تطورات
ضحك بصورة مُرعبة ودگ على فخذة
فوراً سَكت ووجه نظرة المرت عمو وگلها
ابن موت:-لچ هاااااا ام العگاررب هاي بعدچ عايشة ولچ
أنت تقرأ
اختلال
Mystery / Thrillerقاتِلٌ و قَتِيل باذِلٌ بنفسهِ من اجل الوِصال واصِلًا إلى حدِ الإعتِقال ... أ تنتصر الروح مِن خلال شقاءٌ و بعض - الإختِــلال! -
