اختلال

Part 8

ومابعد الدلال ، جزءٌ ما اوشك على الذبول
وعينًا ما ذهبت في خيال
نهضةً على نهضة ادت الى الخمول
مهما بَلِغَ الميول ، الهَم يجول
هُناك شِفاهٌ تقول ، هَل سيزول؟
ام سيتعال ويأتي بالآمال

#إختلال
بقلم:فاطِمة عيد الرضا

قراءة مُمتعة♥️

حرت بمنو اتصل
ذبيت المبايل ودموعي صارت تنزل من قلة الحيلة الوگعت بيها
شنو دَ يصيرلة او بالاحرى شنو سَوولة صرت اهز بي واحاول اگعدة وهوَ يابس بمكانة
نطق بصعوبة وشفايفة ترجف:-و و گعونـي ..

شهگت بصرخة من فتح عيونة وفص عينة صاير عبارة عن قطعة من الدم ..
گال وهو يلفظ أنفاسة بصعوبة:-همَ السَبب .

بعدها أختفى من عالمنة أبن موت..

صرت اهز بي بقوة لكن ماكو استجابة..

انهاريت من الخوف صرت اتصل بـ أبوي واني عقل ما ضل براسي ..
بعد اكثر من عشر مكالمات رد
-بااابااا الحك ابن مووت ماات

سـلام:اه شلون ليش

صحت بعلو صوتي متهسترة:-شنوو هالبرود بااابااا تعالووو احنه يم ***

بدون ما اسمع جوابه طفيته
صرت اشمر مي على وجهة على امل يصحى
هالموقف وهالحيرة بحياتي ما انساها ..

نزلت اباوع اريد احد يمر يساعدني بس ماكو المكان كأنما الناس فص ملح وذاب

دقايق معدودة ووصل أبوي و حكيم وطاهر وعمو رشيد

أخذني حكيم والباقين اخذو ابن موت للمستشفى ..
الطريق كله دموعي ما سكتت من الخوف والرجفة ما هدتني
ذباني ببيت جدو وراح وراهم

غسلت هديت شويَ قريت رسايل مهدي وحسيت الهوى انگطع يمي من قريتة كاتب:-روحي يومية وي واحد يوم حكيم يوم ابن موت والله يستر من الجاي

توسعت عيوني ونملت دموع أتصلت بي فوراً ورحت للحمام احچي ويا
-أنتَ كل عقلك !! ، أنتَ مهدي لو غيرك ، شنو هالخريط ؟

مهدي:حقچ نسيتي مهدي ، الله يكثرهم أزاد ويباركلچ بيهم

-أنتَ تخبببللللت شنو دَ تحچيييي صاحي على نفسك !!

مهدي:اشش رب الحچيتي وياي و أنتِ على ذمة رجال ثاني ترديني اثق بيج ما تخونيني ، روحي لچ

لحظة ..
كل شي وگفت بعيني والسواد أحتل الرؤية حاولت أسيطر واحس گلبي راد يطلع من مكانة من قَوة دگاتة لو لا القفص الصدري ..