اختلال

Part19

حلم عيون تَوصيفك
ياقرآن گلب الروح
يالمَمنوع تَحريفك
لا أكدَر أجيبك وكت ما اشتاك
لا أكدر امر ضيفك
ولا أكدر اردك من تجي بكيفك

#إختلال
بقلم:-فاطِمة عبد الرضا

طلعنة من هالبيت و احنة تاركين كل شي ورانة
تاركين عائلة ما مرحبة بوجودنة ما مستقبلينا بييوم من الايام

صعدنة بالسيارة وحرك السايق

الطريق كله يطحن جكارة ببطن جكارة
لزم ايدي وگال بلهفة:-راح نعيش ، الدنيا ماشية ما توگف ، اني تچايتچ ما راح اخليچ تحتاجين احد  ..

ابتسمت و أمان الدنيا كله بگلبي دام هالانسان وياي
حچيت بهدوء:- راح نكون سند البعض ما راح اخليك تحس أنتَ مو ابن هالعائلة

ضحك وگال:-لا فات الأوان حسيت وحسيت غريب عن العالم كله

-لا اني وياك لتحچي هيچ

ما اعرف شكد مر من الوقت ووصلنه لمطار بغداد
طولنة بأجرائات السفر
للصبح طلعت طيارتنة

تقريباً اربع ساعات و وصلنة
خلصنه الاجرائات بالمطار وطلعنة

باوعلي وگال:-موسكو ترحب بكم

ضحكت وگلت:-اللّٰـه حلوة

ابن موت:يگولون ان شاء اللّٰـه نفرها

اخذ تكسي و رحنة الشقة دخلني الشقة وطلع يحجي وي ولد والواضح هو عراقي

ما سويت شي نزعت ملابسي وسبحت ولبست شي راهي

-منو هذا الولد

ابن موت:صديقي وهاي الشقة النه بعد

كمت صرت اباوع بيها
چانت صغيرة حيل

مطبخ صغير و صاله صغيرة و حمام وغرفة نوم وحدة
ونظيفة وجديدة
-حلوة ، ادخل اسبح و ارتاح نام

اتمدد وگال:-طفي الضوه اريد انام بعدين اسبح

ما عارضت هزيت راسي وطفيت الضوه

ترددت اتقرب على الچرباية وهو نايم عليها
چان مغمض گال:-تعاي اني اگوم

-لا ماكو داعي