اختلال

Part 14

إِنْهَمَرَ الرَمَض ، وَ وجدتكِ في ارض
تَطلبيِن المَلاذ ، أَنا اودُ صونكِ بالخِواذ
وانتِ لكِ قلبٌ فَذّ ، لا ينخدِش ولا يجتَذ
فخشيتُ منكِ النَبذ ، او قولٌ يؤَذ .

#إختلال
بقلم:-فاطِمة عبد الرضا

بارت اليوم يحبس الانفاس🫣

سلام:كل حرف راح تدفع ثمنة غالي

ابن موت:استعجل صارلك شكد تكلي هيج ، شوكت ادفع مو هواي جمعت

صعدت بيبي گوة تمشي و نسوان عمي والولد

بهالحظة گال شي بابا خَله ابن موت جَن جَنونة .
سلام:نـورك بين أدية ..

بهاللحظة شفت ابن موت مو نفسه الاعرفة
بهاللحظة حرفيا صار اسم على مسمى

افترس ابوي بكل ماعندة من قوة وهو يصيح لدرجة حبالة الصوتية تقطعت
كأنُ طلع كل ضيم گلبة بي

تدخلو الولد بالحظة الحسينة أبوي راح يموت جواه  حاولو يجرون ابوي منة وهو مستمر يصيح وين لگيتها !!

جروه من عندة بطلعان الروح وهوَ متمسك بي بقوة

طلعو من الغرفة

وهوَ متخبل صار يكسر ويحطم بالاغراض ويصيح:-وين لگيتـهاااا وين وينـهااااااا أدمررك بس أعرف بيك ماسـهااا

ابتعدت خارج الغرفة واني أحس گلبي للحظات يطلع من مكانة من الخوف

ما شفت ابن موت الحنون الاب هيچ ابداً ، صار انسان ثاني وكل همه التحطيم

خارج الغرفة و اباوعلة وهوَ يدفر بالكنتور لحد ما أنكسر
ذب ما تبقى عندة بالقوة بالتحطيم أخر شي گعد بالگاع وهوَ متحطم

گلبي وجعني على وضعة نزلت بسرعة و اني الهسه ما مستوعبة شنو معنى الكلام الي حچاه ابوي !! ، وشنو سبب أنفعال ابن موت

البيت كُتلة من الهدوء توگع الابرة ينسمع صوتها و صداها .

سهى:راسي وجعني من المشاكل

الجَدة:راح يموت وليدي من وره السگط

طاهر:سدن الموضوع وراح احاول اخلي عمي سلام ما يجي للبيت من ابن موت هنا