اختلال

Part 1

لِما يا سَرابي لَم تسُرِ بي
ولِما يا بَعدي احببتِ بُعدي
اراكِ كالخُسان في ليلِ الضغائِن
يداكِ اصفادً فيها المُحب يُسجن
عاقلاً رويتُ لهُ سحركِ كاد يُجن
ماسكٌ من طيفكِ طرفَ الغصن
هَل اجدُ قُربكِ نبعاً آمِن ؟
او أخذ من الفؤادِ نزر حنين .. ؟
يا عجباً خُلِقَ من الطين
وجعلَ الصوت الباذِخ يهدن

#إختلال
بقلم:-فاطِمة عبد الرضا

السـابعة من شَهر يناير الساعـة السـابعة والنصف ليلاً ، في الشتـاء البارد وهدوء هذهِ المناطق القَديمة

گاعدة بصف الصوبة واتمنى اضم نفـسي بيها حتى بس ادفه
چانت درجة الحراره 8° لكن طبعاً هيچ درجة حرارة عدنه باردة و جداً لأن ما متعودين على هيچ جو ..

-راح اموت من البرد يَمة وينچ يَمة

رندا:هسه مو هل كلنه لابسين شتوي وگاعدين اله أنتِ لابسه مزَند وتصيحين باردة شني من بشر ما ادري بيچ

-اوف امي هايَ لازم كل سنه تنصدمين لان اني ما البس شتوي ، تدرين كلش زين يا امي الغالية الشتوي ما البسه يخنگني و يقيدني واكره اليقيدني بحركتي شأسوي يعني

سكتت ما عاجبها الحچي ، أشرفت ست الحُسن ورجعت للبيت

باوعتلها أمي وگالت
-منو جابچ

مياسة:حـكيم ذبني بالباب وراح يَمة برد تكص كص

هزيت ايدي وحچيت بسخريه
-اكيد باردة اذا أنتِ البيت ما شايفته كله طلعات

مياسة:شــبيچ ميتة غيرة ؟

-اني!! اغار !! منچ أنتِ !!! أنتِ !!  نسـيتي انـي منو اوف يحتاج اذكرچ اسلوبچ يتعدل لو انفذ خطة باء

مياسة:عدلي سلوبچ وياي لا اتصرف تصرف وياچ مو حلو

-اني اعدل سلوبي لو أنتِ

مياسة:أنتِ

-ومنو اكبر بله

مياسة:أنتِ اهوووو

ضحكت عليها وگمت الغرفتي متنرفزة ، لازم يومية تطلع وعليها حلال وعلية حرام

وگفت اخلي مي الورداتي ، اعيدلهن الحياة من جديد .
ذبيت البيدي وطلعت على صوت صياح أبوي

سلام: مو وضعية هايَ ما يصير هيچ اربعة وعشرين ساعة المبايلات بأيدكم كوموا صلوا ذكروا الله ما يصير هيچ ، اطب اطلع المبايلات ما تفارگ ايدكم والله ادبسزية