اختلال

Part 13

ومابعد الدلال ، جزءٌ ما اوشك على الذبول
وعينًا ما ذهبت في خيال
نهضةً على نهضة ادت الى الخمول
مهما بَلِغَ الميول ، الهَم يجول
هُناك شِفاهٌ تقول ، هَل سيزول؟
ام سيتعال ويأتي بالآمال

#إختلال
بقلم:-فاطِمة عبد الرضا

يقين:مادري چنه نعدل بالحلويات

اثناء ما دَ نحچي اجت مياسة تركض وتلهث ودموعها تصب
گممم وبهالحظة ابن موت جَن جنانة:-شبييييچ؟

مياسة:أمل ..

يقين:شبيـهاا

گالت بغصة وهيَ ترتجف كُلها:-واحـد..

ابن موت:لتخبلـينييي

طلع من الحديقة يركض جريت مياسة وگلت:-متحچييين

مياسة:واحد دعمـههااا

طلعنة نركض ورى ابن موت وانصدمت من شفتها گاعدة على صفحة تبچي وفوگ راسها ولد وبصفه دراجة

ابن موت-شنووو جاي يصيـيررررر

التفت الولد واتقدم بتجاهة ابن موت مرتبك وگال بهدوء:-السلام عليكم خوية ، ما ادري شلون صارت گدامي البنية ودعمتها

تقربت يم أمل رفعتها ونكتت فستانها ضمت نفسها بچتفي
التفت ابن موت باوعلها ورجع باوع للولد وگله:-صايبك عمه ؟ ، شلووون ما شفتها

:-حقك علية وشنو تردون اني حاضر وما يكون خاطركم اله طيب

ابن موت:ما ارحم بيك اذا بقيت هنا ، امشي ولي ما اريد اشوفك

:-تحتاج تروح للمستشفى؟ ، شوفها بلا زحمة

ابن موت:گلتلك روووح ، وحدة من الاثنين أنتَ لو شارب لو أثول

:-استغفر الله شنو شارب شبيك خوية صرت تشمر بالحچي

ابن موت:أذاً أثول

:-مو تجاوزت هوايَ؟

أمل:راح اموت من الوجع ، أيـددي

ابن موت:صعدن بالسيارة

صعدنة بالسيارة دقايق وسَلم على الولد تباوسوا وأجه صعد ابن موت