اختلال

Part 28

سامحني سَاعة غضب
مَن گتلك أمشـي بعد
وَ اطبگها بيبانك
ثـاري أنتَ سن العَقل
محد خذه مكانك ..

#إختلال

بقَلم:-فاطِمة عبد الرضا

اوووه الروح ، اسفة على التأخير
ويلاه سوو هجوم على البارت بتفاعلكم الحَلللو

-ياهيَ

ابن موت:ام الياهيَ

-كايليك گلبي حجر شنو

ابن موت:خليها سَكتةةةةة

تريكنة و طلع هوَ يعايد الناس..

گعدت مبتسمة على حياتي الجَديدة وفرحانة ..

خفت يصير شي يهدم هالفرحة .

لكن الي خَفت منه صـار ....

دگ الباب وطلعت أفتحه

توترت من شفتة مخطوف لونه
گلت بخوف:-شنو صاير !!

دخل بدون لا يحچي اخذ سويچ السيارة وراد يطلع

صحت والخوف مالي گـلبي:-لك احچييي خوفتني

ولا كأنما ..

جريته من أيدة وگلت بتوسل:-دخيلك ضل بالي حباب

يباوعلي ولونة مخطوف بلحظة اتخبلت وصرحت بعصبية:-أكررررررم شكوووو

أبتسم ومسح خدي بهدوء وگال:-شغلة طارئة انتِ لا تخافين وفوتي اذا تردين خابري يمة تجيج تاخذچ يم البنات

- اي بس گُلي قبل لا تروح

ابن موت: جاي واحد من اهلي

باوعتلة بصدمة وگلت بتساؤل :- اهلك ؟

اكرم : روحي يلا يلاا

دفعني بهدوء وطلع من البيت

ضليت حايرة و التساؤلات أكلت راسي

أهل ؟
يا أهل منهم

يجوز قَصدة على ابوي

ضليت بحيرتي ما يقارب ساعتين

فزيت من مكاني على فَتحة الباب