من ذكرتك
سكت كلشي
وعاند الصفنة
وبقى يصب الدمع
ومن ذكرتك ..
رفس گلبي
وراد يشلعلي ضلع
وللعلم لمن ذكرتك
جان ليل
وصوت دخان الجكاير
ينسمع
#إختلال
بقلم:-فاطِمة عبد الرضا
توترت وتقدمت كعدت بصف بيبي
سكت الدقايق والصمت سيد الموقف..
مدنك راسة ويلعب بلحيتة
أستغربت من گامت بيبي وگالتلة:-تحچي لو احچي اني !!!
گام من مكانة وطلع من الغرفة بدون لا يحچي
باوعتلي بيبي وتوسعت عيوني بصدمة وصعب نَفسي من گالت:-ابن موت راح يتقدملچ ..
حچيت بردة فعل سريعة وصوت مُرتفع:-أنتِ شنو دَ تحچيييين ؟
الجَدة:صوتچ نصي والگلتة يصير
-لااا والله فلا يصيير ، عميي؟
الجَدة:لا مو عمچ ويحل عليچ
-تحلممممووون والله وهاي الفكرة شيلووووها من راسكم ، هاي الفكرة حرامم افكر بيها والله !!
الجَدة:مو عمچ؟
-بس اني تربيت على هالاسااااس ماخذتها عمي عمي ، بعدين بسالفة صغيرة تطلع سالفة هو مو عمي ترررى هاي السالفة ما تغييير شي
الجَدة:لا اتغير لان هوَ مو عمچ وتحلين علي أنتِ
صحت بعلو صوتي:-بيبي اللّٰـه يخلييييچ !! ، هالموضوع ماررريدة ينعاد حتى بينچ وبين نفسچ !!
عفتها وطلعت من الغرفة واني ارتجف من العصبية
چان كاعد بالصالة باوعتلة وگلت بعصبية:-ما مترجيتها منك ، نيتك هيچ چانت وياي
گام بسرعة وگال وهوَ يتقدم بأتجاهي:-لا إزاد لا والله مو نفس البالچ
-لااا نفسةةة نيتك چانت وياي غير واني حاسبتك عمي وكدامك دفتر مفتوح صرت
ابن موت:إزاد لا تحجين و أنتِ ما فاهمة شي لان بديتي تچفصين
-لااا التجفيص بدةةة منككم من جبت بيبي تحاچيني بالموضوع
اتقدم بأتجاهي أزيد خزرني وگال:-صوتچ يتنصى من تحجين وياي
-هاي الفكرة تنمحي تنمحي من بالكم انتوا الاثنين لان اسوي شي بنفسي
أنت تقرأ
اختلال
Misterio / Suspensoقاتِلٌ و قَتِيل باذِلٌ بنفسهِ من اجل الوِصال واصِلًا إلى حدِ الإعتِقال ... أ تنتصر الروح مِن خلال شقاءٌ و بعض - الإختِــلال! -
