ما مليت من الهجر انا مليت ...

البارت الاول

تعريف الشخصيات ...
ابو مصلح سعود عمره ٦٣ سنه رجال من البدو القديمين وشديد بالحيل
ام مصلح عمرها ٥٧ سنه حنونه وحبوبه
مصلح ولدهم الكبير عمره ٣٠ سنه متزوج بنت عمه هدى عصبي وحنونه بنفس الوقت
مقبل عمره ٢٩ سنه شايل فكره الزواج من باله حاله حال نفسه
نواف عمره ٢٧ سنه نقدر نقول فلاوي ويحب شيء اسمه شماته والطقطقه بس يا انه جميل وكلمته الوحيده يما ولدك مخقق البنات
سلمان عمره ٢٧ سنه اصغر من نواف بـ ٩ اشهر نفس شخصيه نواف بس هو شوي عصبي
مؤيد عمره ٢٥ سنه انسان همه بطنه والي همه بطنه يطلع فلاوي بس سوو له اكل
جوزاء عمرها ٢٢ سنه حنونه بشكل كبير على اخوانها
جوري عمرها ١٩ سنه ملسونه ما تسكت عن حقها ابداً ولا حق اخوانها
جمانه عمرها ١٦ سنه اصغر العنقود مسالمه حالها حال نفسها حبيبة ابوها

اخو سعود ابو عنود اسمه سعد عمره ٦٠ سنه غير عن اخوه حنونه وحنانه الكل يتمنى انه ولده
ام عنود عمرها ٥٤ سنه زي زوجها
عنود البنت الكبيره لهم عمرها ٢٩ سنه متزوجه وعندها ولد وحامل
هدى زوجة مصلح عمرها ٢٦ سنه
هديل عمرها ٢٢ سنه نسخه جوزاء
مقبل عمره ٢٠ سنه فلاوي بمعنى الكلمة

عائله ترف
ابو ترف عمره ٦٠ سنه حنون كلمة قليله بحقه
ام ترف عمرها ٥٦ سنه نوعاً ما حنونه ونوعاً ما عصبيه مانقدر نحدد هي وش
ترف البنت الكبيره لهم عمرها ٢٣ سنه
ابتهال عمرها ٢١ سنه ضد اختها ترف او نقول تغار منها
جوري عمرها ١٩ سنه جوها بطل تهبل سوالفها
وباقي الشخصيات نتعرف عليها بالبارتات الجايه

جلس جنبه وحط يده على كتفه :شفيك  يروحي
تنهد وقال بعد ما ارتشف من بياله الشاهي : اربع سنين وانا انتظر الين متى؟ ما حنت ما اشتاقت علمني يا اخوي
سلمان : ياخوي خلاص انساها هي راحت
نواف : كيف انساها قولي كيف وحب ١٤ سنه يروح ع الفاضي
سلمان تنهد من هموم اخوه الي ما تخلص : يا اخوي يمكن البنت تزوجت وجاها عيال
نواف وهو يلعب ببياله الشاهي : ما اتوقع قلبي يقول لا ما تتزوج غيري
سلمان : قوم ياخوك قوم توض وصل ركعتين ونام الوقت تأخر لا يطلع ابوي يجلدنا
نواف : ههههههههههههههههه  تذكر لما جلد فارس
سلمان : ههههههههههههههههه وكيف انسى شكل فارس قوم يا اخوي لا ننجلد زيه
وراح سلمان وبقى نواف يفكر هل محبوبته تزوجت او باقي هي على العهد وقام يتوضى وصلي ركعتين ويدعي ان محبوبته ما تكون تزوجت

وفي الصباح قام ابوهم يصحيهم للصلاه
سلمان وهو يتثاوب : صباح الخير ياخيري ويارواقي
نواف : فاضي الله يشفيك ابعد عني
سلمان : حبيبي نوافي اشتقت لك يقلبي
نواف : سلمان ابعد عني ترا معصب
سلمان : حبيبي المعصب اعشقه وش تبي اسوي لك فطور
نواف وهو يضرب سلمان على ظهره : ابعد عني لا اكفر فيك
ابو نواف : قم انت وياه وقوموا الدبش ذولي
نواف : ابشر يبا
وراح نواف يصحى اخوانه مقبل ومؤيد ومصلح وقاموا كلهم راح للصلاه ورجعوا وجلسوا يفطرون
ابو نواف : مين يروح للعزبه اليوم؟
نواف : امس رحنا انا ومقبل واليوم نروح للمحلات والبقالة يروح لها مصلح والعزبه يروح لها سلمان ومؤيد
ابو نواف : على خير ان شاء الله
وراحوا نواف ومقبل يفتحون محلات ابوهم الي هي واحد محل ملابس نسائيه اطفال وبنات والثاني محل ذهب وراح مصلح فتح البقاله والباقي راحوا مع ابوهم للعزبه

في مكان ثاني الرياض جالسه بين اهلها وتفكر في محبوبها او نقدر نقول محبوبها السابق هل هو تزوج او نساها ودها تكلمة وتقوله له انه كل شيء صار غصب عنها هي تحبه ماتنكر بس ابوها جبرها على هالبعد
ابو ترف : ترف بشنو تفكرين
ترف : ابد يبا معكم ما افكر بشيء
ابو ترف : تدرون قررت بشيء ما ادري اذا يفرحكم او يزعلكم
ام ترف : عسى ماشر قول
ابو ترف ؛: قررت نرجع للديره
ترف : ايش الديره؟ ليه بعد شنو
ابو ترف : ادري صار لنا زمان مارحنا بس راح نرجع
ام ترف : وليه قررت هالحين 
ابو ترف : اشتقت لها الواحد ما يشتاق
وراح عنهم ونوف تفكر هل نواف بيفرح اذا شافها بس هي محجوزه لولد عمها
ترف : يما ابوي يمزح صح ٤ سنوات وحنا بالرياض الحين يفكر نرجع الديره
ابتهال : خلاص ترف نبي نرجع بلا دراما ماراح تموتين اذا بعدتي عن حبيب القلب
ترف : حبك وحبه برص ان شاء الله ما احبه انا ولا ابيه

نقدر نقول ترف مبسوطه بس وش تقول لنواف تقول ابوها اخذها غصب ابوها ابعدها عن محبوبها غصب كل الاعذار ماراح توفى ٤ سنوات وحبهم الي من وهم صغار ما تدري اذا راح يستمر او لا ؟ هل راح تجتمع في محبوها من جديد ؟  وش رده فعل نواف اذا شافها بيفرح؟ اترك لكم التعليق حبيابي انتظروا البارت الثاني انتظر تعليقاتكم بكل حب 💕.