ما مليت من الهجر انا مليت ...

البارت التاسع

عند ترف تحاول تصدق الي قالوه بس ابد مو مصدقه دخلت عليها جوري
جوري : ياهو شفيتس قبل لا يخطبوتنس ما خلصنا والحين م خلصنا
ترف : تكفين اقرصيني بس شوي شوي
جوري بلعانه تقرصها : صدقي يا حمار
ترف تفرك مكان القرصة: ايييي وجع شفيتس
فجاه جتها لحظه ادراك ترف وصارت تصارخ وتناقز
ترف : جوري تكفييينن وربي مو مصدق وربي مو مصدق نواف خطبني اخيراً
جوري ترفع يدها وتدعي : يارب كملها بعقلها شفيتس انتي انهبلتي
ترف تضمها : اه يا جوري مو مصدقه وربي
جوري ضربتها على راسها : صدقي صدقي
ترف : وجع وجع ان شاء الله
جوري تطلع وتقول : الله يكملتس بعقلتس وانا اختس
دخلت عليها ابتهال وقالت : لا تفرحين ساير طلع من السجن
ترف بصدمه : متى طلع؟
ابتهال رفعت كتوفها بمعنى ما ادري
ترف بخوف من الي راح يسويه ساير اذا درى انها انخطبت

في مجلس الرجال في بيت ابو ترف
ابو ترف : الحمدلله على سلامتك يا ولدي
ساير بعصبيه : الحين صرت ولدك ولما خليتني اطلق بنتك انا مو ولدك صح
ابو ترف : ترف هي طلبت الطلاق وما قدرت ارفض طلب لبنتي
ساير : لانك رخمه تمشي ورا كلمة بنت
ابو ترف بعصبيه قام وضربه كيف لف راسه : يا قليله التربيه انا رخمه
ساير مسك مكان الكف : ترف راح ترجع لي رضيتوا او لا
ابو ترف : انخطبت البنت وحنا وافقنا
ساير بصدمه : نعمممم مين ان شاء الله الي خطبها
ترف من ورا الباب : سيد الرجال واحسن منك
ساير بعصبيه : والله ما تتزوجينه لو ادخل السجون سنين
ترف : اعلى مافي خيلك اركبه
ساير : قد كلامك يا بنت فهد
ترف : قده وقدود يا ولد خلف
ابو ترف مسك ساير : ترف صارت حلمك يا ساير
ساير يرص على اسنانه : حلمك انت وخطيبها يا فهد
ابو ترف : اطلع برا بيتي لا اشوفك
ساير بصراخ : ترف تراتس لي ان قلتي اي او لا والله ما تتزوجين غيري اعلمك كيف الطلاق على اصوله يا بنت فهد

بالشارع كانوا يمشون ابو مصلح وعياله وشافوا ساير طالع من بيت ابو ترف
مقبل : ذا وش طلعه من السجن
مؤيد : نواف انت سحبت الشكوى؟
نواف : لا بس خلصت محكوميته وطلع
ابو مصلح : ما عليكم منه امشوا
جاهم ساير وقال : سلام
ابو مصلح وعياله : وعليكم السلام
ساير : اوه نواف شخبارك
نواف بغير نفس : من الله بخير بس الحين ابد مو بخير
ساير : ليه عسى ما شر
نواف : شايف لي شوفه الله لا يوريك
ساير : افا شايف مين
نواف : شوفه تسد النفس واقفه قدامي الحين
ساير بغيض : اهاااا شكل الطلقه مأثرة عليك
مقبل : ساير ادحر الشيطان واذلف
ابو مصلح مسك عياله : ساير روح من هنا مو وقتك
ساير : سمعت ان طليقتي انخطبت تعرفون مين ويناظر نواف
مؤيد : وحنا شنو دخلنا بطليقتك اذلف بالطيب احسن لك
ساير بعصبيه : يعني مو نواف الي خطبها
نواف : خطبتها شنو عليك انت
ساير : اي تاخذ زباله الناس ما تاخذ شيء نظيف
نواف بعصبيه ضربه بكس طيحه بالارض ويصارخ : ما غيرك زباله يا خريج السجون انت لو فيك خير ما دخلت السجن ليلة عرسك لو فيك خير ما خلعتك ترف
اسمع يا ساير علم يوصلك ويتعداك
ان قربت صوب ترف او اهلها وربي يومك يكون اسود
ساير قام بعصبيه وهجم على نواف وضربه : انت لو فيك خير ما اخذت طليقة الناس
مصلح مسكه : ادحر الشيطان يا ساير واذلف الناس تجمعت علينا
نواف قام : هو الشيطان بنفسه واقف قدامك
مقبل مسك نواف : اهدا يا رجال شفيك
طلع ابو ترف من بيته ع الصوت وشاف مصلح ماسك ساير ومقبل ماسك نواف ومؤيد ماسك ابوه وقال
ابو ترف : ساير شفيك خير ان شاء الله
ساير : حرام حرم الدم ترف ما تاخذه
نواف : لا تجيب اسمها على لسانك لا اقصه لك
ابو ترف : تاخذه وغصب عنك ولي امرها انت ولا مين
ع شان تقرر تاخذ مين
ساير : طليقها واقدر ارجعها بعد
نواف : تخسي
ساير : يخسي ابوك يا حرمه
هنا كل عيال ابو مصلح هجموا عليه وضربوه ولعنوا خيره
وكل الحاره تفزع بينهم
ابو مصلح : خلاص انت وياه لعب وغدان ذا مو رجال
قاموا عياله عن ساير وقال مصلح : ان شفتك حول اخواني ولا ابوي موتك على يدي
قام ساير وهو مفور عصبيه : يصير خير والله ما اعديها لكم
مقبل : اعلى ما في خيرك اركبه
راح ساير وطلع من الديره جاهم ابو ترف
ابو ترف : امسحها بوجهي يا ابو مصلح
ابو مصلح مسك عياله : حصل خير انت مالك اي دخل فيه
ابو ترف : عسى ما صار لكم شيء يا عيال
نواف : بسيطه بسيطه
مؤيد يدقه : بسيطه اجل ها
مقبل بصوت هامس : مو عشانه ع شان حبيبة القلب
نواف بضحكه : شنو رايكم تسكتون
جاهم سلمان : افا شصاير لكم
مقبل : صح النوم وينك انت
سلمان : كنت بالعزبه مين مكفخكم
مصلح : امش امش الله يصلحك