ما مليت من الهجر انا مليت ...

البارت الثامن

عند جوري وهديل دخلت هديل
هديل : سلام يا قوم
جوري طلعت من المطبخ : هلا بالي له الخافق يهلي
هديل : هلابتس يعيني شخبارتس
جوري : بخير من شفتس تعالي
هديل : شعندتس بالمطبخ مو عادتس
جوري بقهر : شسوي امي وجوزاء ساحبيني معهم
هديل دخلت المطبخ : تستاهلين سلام
ام مصلح وجوزاء : وعليكم السلام
جوري تسحب هديل : تعالي بس عندي لتس سالفه تطيح الطير من السماء
هديل : اي اهدي خل نسلم
ام مصلح : روحي يا امي روحي لا تنفجر علينا
وطلعوا البنات وجلسوا بالغرفه
هديل : غردي شعندتس
جوري : تدرين انه ابوي يبي يزوج نواف
هديل بالامبالاة : طيب ذي السالفه الي جايبتني عشانها
جوري ضربتها على راسها : لا يغبيه نواف ما يبي الا ترف
هديل بتمعن : طيب بتزوجها شنو ناقصهم كاملين والكامل الله
جوري : هنا المصيبه ابوي يقول ما تتزوج مطلقه
هديل بصدمه : اما عمي يقول كذا
جوري : بلاتس ما تعرفين ابوي اذا حط شيء براسه يسويه ونواف مستحيل يرفض لأبوي طلب
هديل : تتوقعين يتزوج غير ترف
دخلت جوزاء وقالت : ذا الي مخوفني بنات يتزوج غيرها اخوي واعرفه يضحى بأي شيء ع شأن ابوي
جوري : وجع جوزاء اخرشتيني
جوزاء بضحكه : هههههههه تستاهلين
هديل : الحين اسمعوا شنو نسوي عشان نشيل سالفه الزواج من راس عمي ويترك نواف يتزوج ترف
جوري : دقي خلي عنود وعروب وعبير يجون نقنع ابوي
جوزاء ضربتها بالعلاقيه: غبيه انتي تبين ابوي يذبحنا كلنا
جوري : حبيبتي ابوي يحبهم ما يرفض لهم طلب
هديل : خليه ينفذ طلب ولده نواف بعدين يسمع لبنات اخوه
جوزاء : صادقه هديل

عند نواف وسلمان جالسين على احد الجبال
نواف يرسم على التراب : قولي شنو اسوي في ابوي
سلمان ناضره : استهدي بالله وكلامك مع ابوي غلط خليه يهدي ونشوف شنو يصير مع جوزاء بعدين نشوف موضوعك
نواف بقهر : انقهرت قال عنها مطلقه واذا مطلقه لاهي اول وحده تطلق ولا اخر  وحده
سلمان يطبطب عليه : تعرف ابوي تفكيره من العصر الحجري خليه يروق مع الايام
جاهم مؤيد : نواف عندي لك حل
نواف : قول
مؤيد : اضرب عن الاكل والشرب وشوف كيف ابوي راح يخاف عليك
سلمان : غبي انت ابوي عادي عنده
نواف تنهد : وش اسوي ارشدوني تكفون
سلمان قام ومسك يده : قوم الحين وصل على النبي وكل شيء بينحل
قام نواف ومؤيد ورجعوا للبيت

عند ابو فارس جالسين بالصاله يتغدون
فارس : يبا ما تروح عند عمي اليوم
ابو فارس : عمك مين
يوسف : عمي ابو مصلح
ابو فارس : اي بروح بعد العصر
عروب : نبي نروح معك يبا انا وعبير
ابو فارس : زين زين
فارس يحوس بصحنه ويفكر بجوري دقته عروب : تهوجس بشنو
فارس : لو اقول لتس تحفظين السر
خالد : قول ما عليك جيت عند الشخص الصح
فارس حذف عليه الملعقه : انقلع عني انت
عروب قامت : ههههههههه الله يصلحكم قوم يا فارس وقول لي شنو فيك
قام فارس معها وعروب تنتظره يقول لها بس هو شكله مو ناوي
عروب : قول شفيك
فارس : اسمعي بقول لتس بس بالله لاحد يدري
عروب تمسك يده : افا يا فارس قول يا اخوي شفيك
فارس : تدرين اني كنت افكر بجوري
عروب بصدمه : جوري مين بنت عمي
فارس ضربها على راسها : وعندنا جوري غيرها
عروب تمسح مكان الضربه : لا بس شفيك ليه افكر فيها
فارس : يا اختي ما ادري ارتحت لهالبنت وافكر فيها دايم ومتعجب من شخصيتها
عروب تغمز : بس شخصيتها ولا حبيتها
فارس : والله ما ادري وش تتوقعين كل ما اشوفها ارتاح لها واحب اشوفها دايم
عروب : يمكن انت مُعجب بشخصيتها وطول لسانها بس
فارس تنهد : والله ما ادري يا اختي
عروب : توكل على الله واذا تبي البنت من صدق تقدم لها
فارس : غبيه انتي تبين ابوي يتوطى ببطني
عروب مستغربه : ليه ؟
فارس : يابنتي لا تنسين جوري صغيره للحين
عروب : هههههههههههه وين صغيره عمرها ١٩
فارس قام : ما ادري بشوف وارد لتس خبر