ما مليت من الهجر انا مليت ...

البارت الرابع عشر

في المستشفى وصلوا ونقلوا سلمان لغرفه العمليات والكل كان متوتر وعلى اعصابهم
مؤيد : يبا ترا امي والبنات للحين ما يدرون قلت لمصلح بس
ابو مصلح حك لحيته : افضل شيء خلنا نشوف شنو يصير مع سلمان
نواف مسح دمعته وقال بينه وبين نفسه : يالله يا عضيدي
يالله يا اخوي يالله يا سلمان تكفى خلك عند وعدنا ما نترك بعض تكفى يا عزوتي

نرجع ورا كم سنه عند نواف وسلمان
نواف : سلمان الحين اذا انا متت شنو تسوي
سلمان ضربه : شنو هالكلام اموت بعدك انا
نواف ضحك : ههههههه لا صدق يعني تزعل
سلمان : اكيد بزعل اخوي يموت
نواف : جعلني ما اشوفك بالكفن
سلمان : وجعلني ما اشوفك فيه
نواف : سلمان اوعدني نبقى مع بعض مهما صار ما نترك بعض
سلمان مسك يد نواف : معك معك الموت ما يفرقني عنك الا الموت

في الواقع في مستشفى ثاني عند مصلح جالسين بغرفه هدى
ام مصلح : وش فيك يا مصلح كل شوي تناظر هالجوال
مصلح تنهد : ابد ما فيني شيء
هدى : احد فيه شيء شكلك ابداً مو طبيعي
جوري جلست جنبه : تكلم فيك شيء
مصلح مسك يدها وطلعوا برا : بقول لتس لان اذا ما
تكلمت يمكن انفجر
جوري : قول شنو فيك
مصلح : سلمان
جوري : وش فيه
مصلح يراقب عيونها : ساير اطلق عليه
جوري بصدمه : ايشششش
مصلح مسكها : هدي نفستس امي لا تدري الحين
جوري دموعها تسبق كلامها : هو وينه الحين كيفه
مصلح : ما ادري انتظر اتصال منهم لاكن محد يدق
جوري ضمته وتبكي : تكفى يا اخوي سلمان لا يصير فيه شيء
مصلح يهديها : ما قلت لتس على شان تزودينها اهدي
جوري : كيف كيف صار كذا
مصلح : ما ادري وربي بس ننتظر شيء منهم
جوري : ياربي لا توريني مكروه في اخواني يا رب سلمان احفظه بعينك الي لا تنام

في بيت ابو مصلح ترف وجمانه على اعصابهم بعد ما دق عليهم نواف وقال لا يقولون شيء لأمه

جمانه : ترف تتوقعين شنو صار معهم
ترف : ما ادري والله ان شاء الله خير
جمانه : خايفه حيل على سلمان
ترف : كلنا يا جوجو كلنا
اندق الباب وقامت ترف تفتحه
ترف : مين
فارس : جني
ترف فتحت الباب شوي : هلا فارس
فارس : بالله نادي جوري
ترف : للحين ما جت والله
فارس : اف وش ذا كله طيب ونواف وسلمان وينهم
ترف : بالمستشفى
فارس : ابوك يا بنت مصلح كل ذا لها
ترف : لا كل واحد بمستشفى غير
فارس ما فهم : كيف يعني
ترف : ساير اطلق على سلمان وهو الحين بالمستشفى
فارس : ايييشششش متى كيف
ترف : من ساعتين
فارس : اي مستشفى هم
ترف : ما ادري والله ما يردون علينا
فارس : ادخلي ادخلي لا تفتحين الباب لأي مخلوق
مين عندتس
ترف : انا وجمانه بس
فارس راح يجيب خواته عندهم على ما يبقون لحالهم

– "اللهم أعني على ذكرك وشكرك وحسن عبادتك".

في المستشفى عند نواف كان يمشي ويرجع حول ابوه واخوانه
ابو مصلح : ان ما جلست العصا تلعب على ظهرك
نواف جلس : ابشر
مقبل : كأنهم تأخروا
نواف : حيل
مؤيد : استهدوا بالله انتظروا
جاهم فارس ويوسف
فارس : سلام
الكل : وعليكم السلام
ابو مصلح : وش جابكم انتوا
فارس : رحت البيت باخذ جوري قالت لي ترف
انكم بالمستشفى كلمت مصلح وسألته بأي
مستشفى وجينا
يوسف : خطاكم السوء يا عمي وان شاء الله يقوم بالسلامه
ابو مصلح : خطاك اللاش
فارس جلس جنب نواف : هدي نفسك بالبيت كلهم خايفين
نواف : مالي حيل اكلم احد امي للحين ما تدري
فارس : كلمتني جوري تصيح تسألني عنه
نواف : فارس ذا سلمان ذا قطعه مني والله لو يصير فيه شيء كيف بعيش انا
فارس : هدي نفسك وتعوذ من الشيطان بأذن الله ما يصير شيء
نواف : يارب يارب