ما مليت من الهجر انا مليت ...

البارت الرابع

ما كنا نتوقع كل شيء يجي كذا وبسرعه مين الي ما يفكر يسعد محبوبه كلن يتمنى يكون مع محبوبه لاكن ابطالنا ما كانوا كذا كانت امنيات لاكن انهدم كل شيء بتوقيع على الورق لاكن هل راح ينسجمون مع قدرهم او يحاربون الين يفوز حبهم

عند ترف كانت منهاره بغرفتها دخلت عليها جوري
جوري : انا ما قلت لك حاولي ترفضين ما تكلمنا معتس امس انا وهديل وين كلامنا غبيه انتي ضيعتي شخص يحبتس ويبيع كل شيء لخاطرتس مهبوله وربي
ترف وهي تصيح : وش اسوي كل شيء بيدي سويته رفض ما قدرت
جوري مسكتها مع شعرها : لو انتس صدق تحبين نواف تسعين ورا كل شيء وتفركشين هالزواج لاكن شكل حبتس كلام بس
ترف : وربي احبه حاولت فيهم قلت ما ابيه لاكن العادات والتقاليد جوري تكفين لا تكونين ضدي
جوري وهي تضربها كف : ترف صحصحي وش اسوي لتس انا انتي ضيعتي نفستس وضيعتي شخص يحبتس تستاهلين
ترف تمسح دموعها : تكفين جوري تكفين فهمي نواف انه كل شيء غصب عني تكفين
جوري : بقول له لاكن ان شاء الله يصدقتس
وراحت جوري وخلت ترف تبكي منهاره تسكر كل شيء بوجهها لازم ترضا بالواقع او تحارب لأجل تصير حلال نواف بدل ساير

بعد هاليله نوعاً ما تعيسه على البعض والبعض سعيده
عند نواف
جالس فوق الجبل ويفكر ويقول : خلاص يا نواف راحت معشوقتك راحت محبوبتك راحت البنت الي تتمناها من الطفوله راحت انت اليوم شهدت على زواجها بالله وش اصعب شيء غيره تشهد على زواج من تحبه
سلمان : في اصعب يا نواف لا تيأس
جوري : نواف ترا ترف تقول كل شيء غصب عنها وحاولت في اهلها على شان هالزواج ما يتم بس ما في يدها حيله
نواف وهو يمسح دموعه : يا اختي اليوم شهدت على زواجها من شخص غيري
جوري تضمه وتمسح على ظهره : استهدي بالله يا اخوي قالت بتحاول بكل الطرق انها تفركش هالزواج وتكون لك وهي تحبك وتبيك بس اهلها اجبروها
سلمان : نواف حبيبي ما يصير هالي تسويه في نفسك
جوري بعبط شدت شعر نواف : بعدين يا حيوان ليه تحبها اكثر مني خلف الله على الاكل تالي الليل
نواف تنهد : جوري احبها وغلاها غير عنتس انتي اختي وهي معشوقتي لاكن راحت
سلمان وهو يضرب جوري : وانتي وش تبين يحبها او لا نواف لا تسمع لها الغيره ذابحتها
جوري وهي تغمز : الغيره ذابحتني ولا انت لان نواف يحب غيرك 
سلمان يضربها : انطمي شدخلتس انتي بعدين انا عارف غلاتي عند نواف ماله داعي اسأله
نواف تنهد وقال : احس كلام طلال مداح يقصدني لما قال
لملم جروحك وانسحب مالك نصيب بالي تحبه
جوري وسلمان بحزن على اخوهم
نواف : قوموا نرجع لا يخافون علينا
وقاموا ورجعوا للبيت وناموا الا نواف يفكر ليه ما رفضت دامها تحبني ليه تزوجت غيري اه يا حرقت قلبي وكسر خاطري ونام وهو يفكر

ثاني يوم الكل صاحي وجالسين يفطرون
ابو مصلح : دور مين بالبقالة اليوم ؟؟
نواف : انا
ابو مصلح : اجل خلص فطورك وروح لها وانتوا يا عيالي الي خلص يروح للمحلات
قام نواف وطلع البقاله يفتحها وجلس فيها يهوجس بليله امس وكيف بلمحه بصر راحت لغيره تنهد وهو يسمع واحد من الجيران داخل عليه
ابو متعب : سلام
نواف : وعليكم السلام يا هلا
ابو متعب : شخبارك نواف
نواف : بخير جعلك بخير امرني وش بغيت اجيبه لك
ابو متعب : انا اجيبه لا تتعب نفسك وراح ابو متعب جاب اغراضه وحاسب وطلع
دخل عليه ساير : سلام نواف
نواف واضره بنص عين : اهلين
ساير اخذ الاغراض الي يبيها وجا يحاسب : شفيك امس طلعت بدري حتى عشا ما تعشيت
نواف : جاني اتصال مهم وطلعت
ساير : عاد ما يصير كذا ملكتي وتطلع ما تتعشا
نواف تأفف: قلنا اتصال مهم الحساب ٢٥
ساير عطاه الفلوس وقال : عسى بالزواج ما يجيك اتصال مهم
نواف : الحين انت وش تبغى بالضبط؟
ساير : ادردش
نواف : ما لقيت الا انا تدردش معي
طلع ساير من البقاله وجلس نواف وتنهد