ما مليت من الهجر انا مليت ...

البارت السابع

ثاني يوم كانوا الكل جالسين يفطرون وقام ابو مصلح وقال : بعيالي يلا اقضوا من فطوركم وعلى شغلكم
العيال : ابشر
جوري تدق نواف بالكلام : اقول جوزاء شرايتس نروح اليوم لترف
جوزاء : وليه ان شاء الله تروحين لها ما عندتس بيت يضفتس
جمانه بضحكه : هههههههه لا تبي تروح تتشمت في ابتهال الي كانت تطقطق على ترف انها ما راح تطلق وتطلقت
نواف سمع الكلام وغص : كح كح
سلمان بضحكه عطاه ماي : ههههههه اسم الله على قلبك
جوري : هههههههههههه متأكد قلبه ما طلع من مكانه
مؤيد : ضني انه ما عاد بمكانه
نواف قام : سامجين
جوري : حنا سامجين يا مؤدب اخلصي جوزاء تروحين معي
جوزاء : لا
جوري : اجل باخذ هديل واروح
جمانه : تبينها من الله انتي وهديل
ام مصلح : اخلصوا يا عيال الحقوا ابوكم لا يعصب
وقاموا مؤبد ومقبل راحوا البقاله وسلمان راح لأحد المحلات ونواف راح للمحل الثاني طبعاً طلع بعد هواش من امه ما تبيه يروح ومصلح راح للعزبه

................•••...................

عند هديل كانت تكلم جوري
هديل : صادتزه انتي امي ما تخليني
جوري : حاولي جوزاء عيت تروح معي
هديل : بحاول وارد لتس خبر
جوري : اي اخلصي

...............•••...........

عند ترف كانت جالسه تسمع لأمها وهي تقول لها : رضيتي الحين لما صرتي مطلقه
ترف : اي راضيه اتم الرضا
جوري : كفو خيتي لاتخلين سايروه ياخذتس غصب عنتس
ام ترف : يلعن ابو دارتس انتي بدل لا تنصحينها جالسه تقولين تسذا
جوري : جالسه انصحها يما
قامت ام ترف وهي خلاص قفلت معها من ترف وجوري
وترف وجوري ما همهم اهم شيء انه ترف تخلصت من ساير وهي الحين اسعد انسانه اندق الباب وقامت جوري تفتح : مييين
جوري : حرامي
جوري ٢: ما عندنا شيء تسرقه
هديل : نبي المزيونتين الي بالبيت ما نبي فلوس
فتحت جوري وهي تضحك : حياكم الله ادخلوا
دخلوا البنات وسلموا على ترف
ترف : وين الغيبه ما نشوفكم
جوري : انتوا ليه ما تسيرون يمنا ولا لازم حنا نجي
جوري ٢ : تعرفين امي بترفض
هديل : والله امي رفضت اني اجي بس جيت غصب
ترف : ما علينا شخباركم
جوري وهي تدفها : اخبارنا ولا اخبار حبيب القلب
ترف بضحكه مكشوفه : ها كلكم
هديل تضحك : هههههههههه جوريه قولي لها اخباره لا تموت علينا الحين
جوري : ههههههههه بقى يموت علينا الصباح
ترف : بسم الله ليه
هديل : منتس يقول خلاص ما ابيها تزوجت الله يسعدها وطاح عليهم
ترف : كذابين
جوري تكمل الكذبه : ليه نكذب امس وش قال لتس
ترف بغصه : قال مو انتي الي تزوجتي روحي ما ابي اجرحتس
جوري بضحكه : شوفي الغبيه صدقت ياحمار بقى يموت لما عرف انتس تطلقتي
ترف وهي تحذفها بالفنجال : حيوانات وربي بقيت اموت
وبقوا كذا الين جا مؤيد واخذهم ورجعوا للبيت

عند مفلح وعياله جالسين بهدوء ما في اي تطور بحياتهم غير انهم نقلوا الديره
فارس : السلام عليكم
ابو فارس : وعليكم السلام وينك ووين اخوانك
فارس جلس : كنت مع عيال عمي يبا واخواني ما ادري عنهم
جتهم عروب : هاذا انا يبا وعبير نايمه ويوسف وخالد وصيتهم على اغراض راحوا يجيبونها
ابو فارس : على خير ان شاء الله
فارس جلس جنب عروب وقال لها : ما رحتي لبيت عمي ابو مصلح اليوم
عروب : لا ليه اروح
فارس يحك لحيته : اسأل بس
عروب بغمزه : تسأل ها
فارس بنص عين : اي بس اسأل وش عندتس
عروب : سلامتك
وقامت عروب تجهز الغدا