ما مليت من الهجر انا مليت ...

البارت الخامس

بعضنا يقول الزواج التقليدي هو افضل والبعض الاخر يفضل الزواج عن حب ( الله يجمع بين المحبين)

مع الاسف نواف ما سمع مصلح لما ناداه وجات الطلقه بين القفص الصدري وطاح والكل ركض له
مصلح شال راس نواف : نواف ياخوك قووممم يا نواف تكفى يا اخوي قوم
ابو مصلح انهار وطاح على ركبه يهز نواف : نواف يا ولدي قوم ياولدي لا تكسر ظهري نواااافففف
سلمان يمسح دموعه ومسك كتف ابوه : دقوا على الاسعاااااااااااافففففففف
مؤيد منصدم مو مصدق الي صار وراح على ساير وضربه كف : غبييي حمااااررر انت ما تعرف تطلق والله اذا صار شيء لنواف انا اول واحد اكون عدوك يا كلللللبببب
مسكه مقبل وصار يصارخ على ساير : اسمعني اذا صار شيء لنواف صدقننيييي ما راح ارحمك تفهم ما راح ارحمك
ابو مصلح مسك راس نواف : ولدي نواف قوم يابوك قوم لاتكسرني فيك
جت الاسعاف والشرطه اخذوا ساير والاسعاف اخذوا نواف والكل لحقهم من مصلح واخوانه وابوه وابو الترف ومفلح وعياله

عند الحريم سمعوا الصوت وهم مو بخير
ام مصلح : قلبي يقول واحد من عيالي صاير له شيء
جوزاء تمسك امها : اهدي يا حبيبتي ان شاء الله مو صاير شيء
جا لهم طفل يركض ويقول : جوزاء جوري جمانه نواف مااات
ام مصلح طاح الكاس من يدها : وش تقول مين الي مات
جوزاء طاحت مغمى عليها جوري ضربته كف : وش تهربد انت وش تقول نواف وش فيه
الولد وهو يبكي : ساير اطلق عليه والشرطه خذوا ساير
نوف طاحت تبكي مو على ساير انما على نواف حبيبها بين الحياه والموت
جوري طاحت على ركبها : يما وش يقول ذا يما تكفون قولوا انه يكذب تكفووووننن نوااااففف ماااا فييييهه شيء ساير وربي موتك على يدي وربي مسكوها البنات يهدونها والباقي يصحون جوزاء ويمسكون ام مصلح وترف
ترف : كذب كذب نواف ما فيه شيء جوري تكفين قولي ما فيه شيء
جوري اختها ضمتها : والله ما ادري الولد يقول مات
ام مصلح : اه يا وليدي اه يا كسر قلبي فيك
جوزاء صحت وصارت تبكي : نواف ما مات تكفون قولوا غيره نواف اخوي
جوري قامت وهي تمسح دموعها : قوموا نروح للمستشفى وعزه جلال الله اذا نواف فيه شيء ساير موته على يدي
وقاموا امها وخواتها معها وطلعوا اتصلوا على مصلح ما يرد
جوزاء : يما مصلح ما يرد
جوري دقت على مقبل ورد عليها : هلا جوريه
جوري : مقبل نواف مات؟
مقبل : تعوذي من ابليس ما مات بالعمليات هو الحين ادعوا له
جوري تصيح : تكفى يا اخوي تكفى تعال خذنا عنده امي تبيه وانا وجوزاء
مقبل تقطع قلبه من صوت اخته : اجهزوا جايكم

عند ترف
ترف وهي تصيح : تكفون قولوا ما مات تكفون
ام ترف وهدي تهدي بنتها : اهدي يا امي ما فيه شيء
ترف تشاهق : الا توهم يقولون مات يما تكفين لا يموت
ابتهال : لا تخافين حبيب القلب ما راح ينسجن بيطلع
ترف : انكتمي

جاهم مقبل اخذهم للمستشفى
ام مصلح : وين ولدي وينه ابي اشوفه هو حي او لا
ابو مصلح جالس وحالته حاله ومصلح جالس جنبه قام مؤيد وفارس ولد عمه ويوسف مسكوها مؤيد : امي حبيبتي ما فيه شيء بالعمليات هو
جوري وهي تبكي : اجل ليه يقولون انه مات
مصلح قام يضمها : اهدي يعيوني اهدي ان شاء الله ما يصير له شيء شفيكم ما تعرفون نواف سبع ما يصير له شيء
جوزاء ماسكها مقبل : اجل ليه قالوا انه مات ابي افهم الله ياخذك يا ساير
جوري ومؤيد بنفس الوقت : موته على يدي
ابو مصلح قام لهم : هدوا نفسكم اهدوا ادعوا له
ام مصلح جلست وماسكها مؤيد : يا ويل حالي يا وليدي جعله بضلوعي عنك
والكل كانوا ينتضرون الدكتور يطلع ومرت ساعه ووراها ساعه طلع لهم وهو يركض : نحتاج دم بأسرع وقت فصيلة O+ اسرعوا
الكل قام يشوفون مين فصيلة دمه زي نواف ابو ترف : ترف فصيلة دمها زيه بروح اجيبها
ابو مصلح : ايه اسرعه تكفى
وراح ابو ترف وهو مسرع