ما مليت من الهجر انا مليت ...

البارت العاشر

عند ساير وعبدالعزيز

عبدالعزيز : لا انت صدق انهبلت مجنون تقول له كذا خربت سمعت بنت عمك
ساير : عادي
عبدالعزيز يضربه : غبي في احد يخرب سمعت بنت عمه شرفك ذي يا غبي
ساير يناظر عبدالعزيز ولا همه شيء : طيب وبنت عمي قلت لك بتزوجها واوريها كيف تخلعني واطلقها
عبدالعزيز مسك راسه : لا بالله انهبلت انت

وطلع عبدالعزيز وترك ساير الي مو هامه شيء ابداً

عند نواف كان جالسه عند باب بيتهم ويفكر ليه ترف ما انفت الي قاله ساير يعني ساير صادق
جاه سلمان : يالخوي شفيك
نواف نزل راسه : ما فيني شيء
سلمان جلس جنبه : الا فيك شيء قول
نواف : منك خوه ؟
سلمان : ابشر وين
نواف : اي مكان يوسع الصدر
سلمان قام : قوم عند مجلس الشباب فيه سهره هناك
قاموا وراحوا لهم ونواف ٩٠٪؜ تفكيره بكلام ساير

عند ترف منسدحه في سريرها وتفكر ليه نواف قال لها كذا اليوم
ترف : جوري نمتي؟
جوري : لا
ترف : بقول لتس شيء
جوري : قولي
ترف : جا اليوم نواف
جوري قاطعتها : ياويلي ذا ما ينتظر ابد
ترف ضربتها : اسمعي وش قال
جوري : قولي شنو قال
ترف : قال ........
قالت لها كل شيء قاله نواف
جوري : هيييي ليكون سايروه قايل له شيء ومخرب سمعتس
ترف : ما ادري تكفين وش اسوي
جوري : انتي غبيه ليه ما قلتي له انه كذاب
ترف : ابي اتكلم الا هو راح
جوري : تتوقعين يكنسل الخطبه؟
ترف بخوف من الفكره ذي : ما ادري ما ادري
جوري تلحفت : انتي غبيه لو نكرتي الي قاله ما صار الي صار نامي بس

عند الشباب كانوا كلهم جالسين
خالد : يا شباب نبي واحد منكم يطربنا
سلمان شاف نواف مو معهم : نواف غني لنا
نواف : طقاقه عندك انا
الكل ضحك : هههههههههههههههههههههههههههههههههههههههههههههههههههههه
خالد : يقولون صوتك حلو يلا غني
العيال : يلا نواف
نواف ناظر سلمان : حسابك بالبيت يلا وش تبون
فهد جهز العود وقال : وش تبي انت بس
تنحنح نواف وقال :
لا تظن انك بتلقى حد مثلي
لا ولا يمكن يظلك مثل ظلي
وين تلقى لك مثيلي بس قلي
من سواي اهداك عمره وعيونه
مالك الا حل واحد للابد
حل يمكن مثلي تلقا لك احد
لو نجوم الليل تحصيها عدد
وقتها انا راضي قلبي تخونه
يعشقك من كل قلبه ليه تخونه؟
حبك وخلى كل الخلايق وهم يبونه
هذا تاليها وانا اللي ما توقعت
ايدك الي تذبح القلب بطعونه
لا تظن انك بتلقى حد مثلي
لا ولا يمكن يظلك مثل ظلي
وين تلقى لك مثيلي بس قلي
مين سواي اهداك عمره وعيونه

سلمان حس انه نواف ليه شيء من اليوم وهو مو طبيعي
خالد : الله عليك ياشيخ
فهد : الوسخ يقول صوته مو حلو
سلمان : ما عليكم منه صوته يهبل بس هو ما يبي يغني
قام نواف : يلا نستأذن حنا
خالد : جالسين وين
قام سلمان وقال : تأخر الوقت مرا ثانيه

وطلعوا من المجلس ومسك سلمان نواف
سلمان : انت فيك شيء؟
نواف ناظره : فيني اشياء مو شيء واحد
سلمان : قول شنو
نواف تنهد : جاني ساير اليوم وقال لي كلام
سلمان : شنو قال
نواف وهو يمشي : قال انه
سلمان بنفاذ صبر : تكلم شنو قال
نواف ناضره : قال انه لمس ترف قبل ملكتهم على شان
كذا هي وافقت عليه
سلمان انصدم من الكلام : وانت صدقته؟
نواف : رحت اسأل ترف بس ما انكرت الكلام
سلمان : شنو قالت
نواف يشتت نظره بعيد : ما قالت شيء سكتت
سلمان : وانت غبي تصدق ذا يبي يخرب بينكم
نواف : شنو مصلحته يخرب سمعة بنت عمه
سلمان بتفكير : لاتنسى انها خلعته
نواف : ما ادري والله انا واثق بترف بس كلامه وسكوتها
سلمان ضربه على راسه : غبي انت نفترض انه لمسها
تروح للمحكمه وتخلعه كان ما خلعته وحافظت على سمعتها
نواف اقتنع بكلام سلمان بس يبي ترف تنكر الشيء ذا : امش بس لا يحس علينا ابوي