ما مليت من الهجر انا مليت ...

البارت السادس

التضحيه بالحب شيء جميل بالذات اذا كانت طفولتك مع محبوبك وكنتوا مع بعض دايم بطفولتكم والحب من الطفوله يكون اقوى من الحب من الكبر

بالمستشفى تحديداً عند العنايه بعد ما طلع لهم الدكتور : اهل نواف؟

ابو مصلح : ايه ايه يا دكتور بشرني ولدي عسى ما فيه شيء

الدكتور : توقف عنده النبض واستطعنا نرجع له النبض لاكن فيه شيء

مصلح : اخلص يا دكتور ترا على اعصابنا تكلم

الدكتور : اول شيء هدوا نفسكم وتأكدوا كل شيء بيد الله وان الله قادر بلحظه يغير كل شيء

مؤيد هجم على الدكتور : تكلم اخلص نواف فيه شيء

جوري وهي على اعصابها وشوي تذبح الدكتور : دكتور يرحم اهلك تكلم

الدكتور : نواف اذا ما صحى خلال كم ساعه احتمال يدخل بغيبوبه ما نعرف كم مدتها ممكن تكون شهور وسنوات واحتمال بعد اذا صحى ٤٠٪؜ يكون معه شلل

الصدمه كانت حيل كبيره على الكل من امه وابوه واخوانه وخواته

ام مصلح بصراخ : لا يا ويلي على ولدي يا ويل حالي

ابو مصلح طاح على الكرسي : لا حوله ولا قوه الا بالله

مصلح : دكتور انت متأكد؟ اكيد مخربط متأكد نواف سعود ال .....

الدكتور : اي متأكد الله يصبركم ادعوا له وحنا بنكون حريصين عليه وراح وتركهم

جوري جلست بصدمه تحاول تستوعب : يبا ذا وش يقول يبا تكفى اكيد مو نواف اخوي مسكها مقبل

مقبل : هدي يا اختي هدي مالنا الا الدعاء له

سلمان بعد الخبر ذا طلع وهو يحس الدنيا مو سايعته اخوه ورفيق دربه ما يعرف متى يحصى وهل راح يعيش او لا

جوزاء جلست جنب امها تبكي : يما حبيبتي اهدي تكفين لا يصير فيك شيء حنا بقنا عنه

جمانه طاحت عليهم من الصدمه نواف اخوها وحبيبها الي مستحيل يرفض لها طلب ممكن يروح من يدهم نواف الي ياما فزع لها من امها وياما طلعها معه الكل راح لها واخذها الممرضات وبعد ربع ساعه صحت وهي تبكي

عند ترف تحاول تنفي الي سمعته وهي حاقده على ساير وتدعي عليه ومسكها ابوها وهو يسمعها تبكي

والحال عند ابو عنود وابو فارس ما بيدهم شيء الا يدعون لنواف ويهدون اخوهم وعياله

وبكذا مر اليوم بكأبته عليهم كلهم وساير للحين بالسجن رفضوا يطلعونه الين يصحى نواف ويسحب الشكوى وابو ساير ما خلى شيء الا وسواه على يطلع ولده

اما ابو ترف لما عرف انه مستحيل يطلع وبما انه نواف مجهوله صحوته راح هو وترف رفعوا قضيه خلع على شان ساير يطلقها بس ساير معند وراسه الف سيف ما يطلق وطبعاً ابو ساير سوا سالفه كبيره لهم