اعترافات امرأه شيطانه

اعترافات امرأه شيطانه

البارت السابع ...

ليلان حكمت ....

سيطرة على صلاح وخليته مثل المحبس بأيدي
وهاي اول شي من خطتي نفذته....
يوم اللي اريده ادز عليه ويوم اللي ما اريده اتمنع عنه ...
خليته مثل الذيل ....
وكلما يتقرب موعد عرسه انه اعطله العب بعقله بكلام والسان معسول

سعد ما اعرف ليش مخلي خط رجعه بطلاكي
جيف صارحني لاول مره وكلي انه ما اريد اكسرج
اكثر ما كسرتج تبقين معززه مكرمه وهذا بيتج
وهي تصير خدامتج ...

ههه ضحكت وكتله شلون معززه مكرمه وانت حتى
ما خليتني اجيب ابني كتلته بايدك شلون معززه
مكرمه وانت هاملني
انه مو حديده يا ابن الناس انه دم ولحم
واسمعها مني انه احسن ما تسمعها من غيري
بكد ما حبيتك وتمنيتك كرهتك وحقدت عليك

وطلاكي منك هو هو رحمه الك لان ما اريد أاذيك
لو اصير حجاره تعثر بيها باجر عكبه
حكم عقلك وخلنه كل واحد يرد لمكانه والله يغفرلنا
وشرط طلاكي يشتريلي بيت بالولايه بعيد هاي الناس لان ما اريد اشوف كسرتي بعيونهم
اخذ كم شهر وسربتها
والبيت على مزاجي اني ....

الشي الثاني من خطتي اتنفذ ...وسعد اقتنع بطلاكي
واخذني وياه للولايه ندور بيت زين
وكل بيت اللي اشوفه ما يعجبني لين انه
جنت اريده اكبر من بيت ابوه وبي اثاث احلى
من اثاث بيتهم ....

اسبوعين شفت بيت بشارع بس شويه بعيد عن اهلي وديرتي ما اهتميت لان انه مقرره ما اوصل بعد الا بالخفيه
اقتنعت بي اشتراه الي وداوره باسمي
واثثه على مزاجي وانطاني فلوس

وحددنه يوم نروح بي للمحكمه
قبل ما نروح للمحكمه صاحني عمني وكلي كم
كلمه كل رجال جبير يكولهن بس انه ما سمعتهن
ولا عبرتهن ولا جاوبته بشي

لان كل همي ومهمومي شلون انتقم من سعد وادمر حياته مثل ما دمر حياتي....
وكسرني ....

رحنا للمحكمه وطلكنا والقاضي مصدوم من شافنه
اثنينا راضين ومقتنعين ....
رجعنا للبيت لميت غرضاني وذهباتي
اجت ام سعد تريد تودعني ....
درت وجهي عنها

كالت ليش بينه جان زاد وملح وعشره
كتله وانتي ما صنتيها انه يتيمه وخدمتج
حتى سبحتج بديه انه ما عيرج لا والله
بس اطلبج عتبه جبيره
ابنج كسرني وكل اللي سويته ردت استر نفسي واطم العار من خوفي على اخوتي ...

بس انتي ما ردتيني ولا رضيتي جنتي ترديني انكتل علمود ابنج ما يصير بي شي
اوكع انه وابنج مابي شي وين صلاتج ووين صومج
كلها باطله
وتأكدي راح يجي يوم وحوبتي تكتل ابنج
لااااا مو حوبتي كسرتي والايام تكتل ابنج....

طلعت من البيت لا رفتلي عين ولا بجيت
طلعت ونار مشتعله وعيوني كلها حقد
وكلبي كله غضب
مريت على اخوتي كلهم داروا وجهم عني
كتلهم ثيمالا وبوست الجهال وركبت السياره