اعترافات امرأه شيطانه

اعترافات امرأه شيطانه

البارت السادس ....

ليلان حكمت ....

شيسوي سعد اسوي وازود عليه يسهر اسهر
يطلع اطلع البس عباتي واسف بالشوارع
ما همني شيسوي يضرب يهين
شيريد يسوي يسوي ....

جريت اخو الابنيه ووكعته بديت كلما سعد يطلع
اواعده واعرف كل الاخبار منه ...
عرفت اصلهم وفصلهم اسمه صلاح دارس ومتخرج
ومطلك مرته من سنتين جيف اتزوحها غصب ما حبها
وباقي يدور منا ومنا ....يسد جوعه مثل ما يكولون اهلنا ....
واخته هم مطلكه لان زواجها جان كصه بكصه ويه مرت اخوها ...
هه يعني هم جوعانه ....

اطورت علاقتي وياه وحتى يدخل على بيتنا من ينامون عمي وعمتي
انه ادخله ...ضد لسعد والسواه بيه
حرمني من فرحتي وتنكر لسوايته
وكتل ابني ويلعب بكيفه والله ما اسمه مره
واكعد بنص النسوان اذا ما اخلي يمشي
مدنك راسه ....

مشت الامور مثل ما انه اريد وخططت الابنيه اسمها
جميله خلقه واخلاق ينطبق عليها الاسم
على طول ساكنه بيتنا بحجة تسير هي وامها
بس على منو عليه انه اللي لاعبه بكل دروب الدنيا

ومفلسته نفليس ...جايه حتى تشوف حبيب الكلب
تخاملني ويسولفون وهو مسبل روحه كلش الها
جنت اشوفهم واضحك منتظرتهم
ينكعون كلش ويختمرون واني اعرف شغلي وياهم

وبالذات وياه هو ...
جنت اسوي نفسي ما اشوفهم بس اراقبهم
من بعيد ...
ومغلسه لان اريد الكفهم بسالفه جبيره وافضحهم
لان هي تتردد علينا على طول
كل يومين والثالث ...

وبيوم جنت نايمه الظهريه وهو نايم بالكاع ومنطيني ظهره ..
سمعت باب الشارع اندك كلت واحد من الخدام
لو خطار ..
بس اتفاجات بواحد يصيح عمي سعد
جايين عليك مستعجلين ...

طفر من منامه ولبس هدومه وطلع شويه
ورجع انه ما اتحركت بس مفتحه عيوني نص ونص
مثل الذيب ما يغفل ...
فتح ورقه قراها وضمها بجيب سترته وباوع عليه
انه بسرعه غمصت عيوني ...

للعصر دخل للحمام رحت على سترته طلعت
الورقه شفتها رساله من جميله
فهمت منها شي واحد وهو متواعده وياه

الليله بالهيكل اللي وره بيتهم ...اييييييه
هسه لعبتها
خليته يطلع وانه وراه لبست عباتي وامشي ادور  على صلاح
شفته كاعد ع الشط هو وجماعته
اشرتله اشاره هو فهمها معناها
تعال هسه ....

رجعت للبيت وانتظرته اجه يصوفر سمعته
لبست عباتي وافتريت من الزاويه
مال بيت الحلال اللي تصير كتر بيت اهلي
حتى ما يشوفونه الخدام ....
لو واحد من اهلي لو اهل سعد ...

هنا صارت لعبتي خططت بصوره جهنميه
ادفع كلشي وادمر سعد ...
صح جنت مو كلش حلوه وعاديه بس عندي مكر وكيد يوكع اكبر شارب