اعترافات امرأه شيطانه

اعترافات امرأه شيطانه ....

البارت العاشر .....الاخير...

ليلان حكمت.....

صرت مثل المزوهر لا بيه اذب السم ولا بيه اسكت من القهر
نظفت كلشي وانه ارجف يا مصيبتي بين خواني وديرتي
شلون اذا عرفوا بهاي السالفه والله يكطعوني
ويذبوني للجلاب

اسمع صوت صلاح يحوص بالغرف ويون جيف
ما يكدر يصيح
لان حلكه مربوط ..
خفت اروح عليه اخاف يفتح الرباط ويجفت عليه ويكتلني ...
عفته بالغرفه وبديت احوص واحسب
منتظره ابو شامل ....

لحد ما طر الفجر وماكو لا حس ولا خبر منه
شلون بيه ياربي
الصبح اذا ما بين منه ظنه اروح للدكان
واشوفه شسوه ما سوه ...

صار الصبح وابو شامل ماكو لبست عباتي وقفلت
البيت ورحت عليه للدكان لكيته مقفول
سالت عنه
كالوا ما فتح اليوم ومحد يعرف ليش ...
سألت عن بيته ....انطوني العنوان طلع مو بعيد كلش عن السوك
وحتى قريب على بيتي ...

دكيت الباب طلعتي مره سالتها
كالت نايم كتلها كعدي عندي
غرضان يمه اريد اشوفه خلصهن لو لا ....

والله شويه وطلع من شافني كلي شجابج على بيتي
كتله شسويت ما سويت
كال روحي هسه وبعدين اني افهمج ..
كتله وصلاح شلون بي ...

كلي بكيفج شتردين تسوين سوي ...
ردت اسأل عن صاحبهم عافني
وطب ردت اعرف مات لو عايش ...
ما انطاني نشد ...
رجعت ع البيت ميته قهر شلون بيه اشرد
وهذا المربوط جوه لو ابقى وانتظر اللي يصير
وطبني مرض شيصير خله يصير انه الجبتهه لروحي

اوف ياربي دبرني شلون بيه ...
فتحت باب غرفة صلاح وكتله شلون تسوي هيج
لعبت بيه وبروحك يا بهيم
كلي ....انتي الي خليتيني اسوي هيج ما كفيتج
انه بقيتي تردين اثنين وتلاثه ...

لعبتي براسي لحد ما كتلت سعد واختي
....لطمت على وجهي شلون ولك شسويت
يا بوووويه ليش ولك ...
....ولج حبسوا مرتي والرايح والراد يصيحون عليه دثو ديوث بقيت اصفن
اجيتج طفين ناري
شعلتيها اكثر صرت مسودن رحت عليهم وطالبته بكوامه
بس هو دز ازلامه ضربوني وطردوني واختي اجت علينا هاده عليه وعلى مرتي وتصيح مرتك
موزينه لعبوا عليها بالحبوس

لعب الشيطان براسي شلت الكسريه وزرفت بطنهه
تزرف
ورحت على رجالها وضربته خمس طلقات وهو يمشي ويه ابوه بكاعهم ....
واجيتج شفتج مو بحالي ولا بينه عشره
ولا نايمه وياي عرفت انتي وحده
فاجره ما تفيديني ...

انه ما خايف من الموت هلا بي اتلاكاه بعرض صدري
بس كبل ما اموت انتي لازم تموتين ...
من الخوفه ....رجعت شديت حلكه
وقفلت عليه باب الغرفه ...

مصدومه مشدوهه شلون بيه اذا غدعرفوا بي عندي
ويروح ويرجع عليه شلون بيج يا بدره
جنت بمصيبه هسه صرتي باثنين
وينك يابو شامل دبرني شلون بيه ....