اعترافات امرأه شيطانه

اعترافات امرأه شيطانه..

البارت التاسع ...

ليلان حكمت ...

بديت ازن براس صلاح على مرته واخته
وكتله كلما تشوفهن يتعاركن اضرب مرتك 
وبايدك التوجع وخلي اختك اللي تبين منتصره
كال راح تزيد المشاكل ...كتله اسمع حجايتي
واسكت ...
مرتك زعطوطه ولازم تتادب
واختك من تشوفك ضربت مرتك راح تحس على نفسها
وتبطل تفشخرهه الفارغ ....
طبعا جان براسي غير نيه
جنت اريد مرته تحقد على اخته وبيناتهن
يترافسن ....
بالبدايه مشت الامور تمام لكن مرت صلاح
ثوله مو عراكه حوك وترفس بطن جميله

ما مشت الامور مثل ما اني اريد فقررت
اني اتحرك واتصرف ....
جانت مرت صلاح تملي مي من النهر
رحت وسلمت عليها من غير ما يدري صلاح
شفت بنات السلف كاعدات يسولفن بيناتهن
ذني الزغار وستوهن شابات بيهن معرسات
وبيهن لا....

بسهوله دخلت بنصهن وسولفت وياهن نشدني انتي منين خاله
ما شايفينج هنا ...
كتلهن انه حافوفة بيت السكران وطبعا ذوله
محد يدخل بيتهم لان ناس كباريه وما يختلطون

اتعجبن من سمعن بيه وكالن صدك خاله حفيلنه
كتلهن انه محلفه ما اشتغل هنا بس لبيت السكران
بس انه اجيب شغللت نسوان واذا تريدن ابيع عليجن
ورخيصه ...

وبكم كلمه قنعتهن وكسبتهن وواعدتهن وره ثلث تيام اجيهن واجيب حوايج وياي ...

نزلت للسوك واشتريت حمر على ريحه وكحلة
وليف ومسج وصابون ابو الريحه  ومن هالسوالف
ورجعت عليهن لكيتهن كاعدات يغسلن ملابس
سلمت عليهن وفتحت علاليكي
جدامهن

من شافن الغراض انبهرن ونفشنهن نفش
انه ما اهتميت كل همي اكسب ود مرت صلاح
ومثل ما ردت بالضبط ...
شفتهه كاعده مهمومه ...كعدت يمهه شبيج
يا حلوه شجاج شجرالج احجيلي ..
...شحجيلج يا خاله ..الهم واصل للراس
وما مرتاحه ...
....يا بعدج زغيره يا خاله ع الهم ...
....شسوي نصيبي ..
....شو ما شريتي شي ..
....ما عندي اشتري رجلي يفكر بس بروحه
ولا عبالك عنده حرمه ...
وشويه شويه ذبت كل الحجي
ما خلت سالفه ما باضتها يمي حتى روحات رجلها يم صاحبته
مسكينه ما تدري بيه انه صاحبته ....

كتله شوفي يا بعد خالتج ...لا تصيرين عوبه اخذي حكج بذراعج وبزودج ما طول رجلج مو ادمي ارفسي بطنه وبطنه اخته هاي الشلنفص...
شلون خاله اذا هي شيخه ومرت شيخ
وانه بطني ما شبعانه خبز....

ذكرتني بحالي من جنت قبل ...صفنت شويه
وانطيته ريحه وصابونه وكتلهه وشدعوه عليها
هي تتكشخ عليج بمكان ما تنطيج وداريج
تجي هالفكر تتقنعر عليج ...

كالت خاله جا ماخذه شيخ وما صدكت
كتله شوفي ...اذا تردين تخلصين من شرها ارفسي بطنها ...
....شلون وهي حامل ...
....شبيج يمه قابل راح ترفسين صدك انتي بس هدديهه وشوفي راح تخاف وتشرد منج ...
....صدك خاله .
...اي وداعتج هاي بوخه وشافتج فقيره مالج احد تولتج ...سوده عليه شلون بنيه انتي مثل طير الذهب ملوك تتمناج ....