اعترافات امرأه شيطانه

اعترافات امرأه شيطانه ...

البارت الثامن .

ليلان حكمت....

بعد ما خلصت من ابو شامل ...اخذتلي فره بالسوك
شفت جميله وامها دخلن للصايغ ...
اتقربت شويه من المحل جان نسوان هواي
بقيت اراقب من وره الجامه وما خليتهن
يشوفني ...
شفتها تعامل على كردانه وتراجي ...
اشترتهم وطلعت ورجعت دخلت لصايغ ثاني

وهم اشترت بقت تفتر من صايغ لصايغ
وتشتري ..
ردت اشيل طابوكه واركعها براسها وافضحها بس
اتراجعت وكلت مو هسه خلي ياخذها
وانه اعرف شغلي وياها

خليها متونسه بالعرس وبسعد ...
الصبر حلو والطبخ كلما كان على نار هاديه
كلما يستوي اكثر ....

رجعت للبيت نظفت وطبخت ورتبت حالي
وجهزت للعشه دجاجه وزلاطه وتكة لحم
ولبن وكرزات ....
وانتظرت جية ابو شامل ...

واني افكر اذا عجبني شلون استغله
واستفاد منه ....
واذا طلع فاشوش ابقى اكل براسه واضحك عليه ...

بالعشره بالليل اندكت بابي صحت منو كال اني ابو شامل ...
بصوت ناصي ...فتحتله الباب جان مهندم روحه
وطالع ومرتب وشايل علاكه بيده ...

دخلته للديوان ما قبل كلي ياحلوه هي مو مال كعده
مال شغل ويغمز بحواجبه ...
كتله شبيك مستعجل الليل طويل بعده..
كلي غمضة عين قفلة عين يصير الفجر واني لازم الفجر اعوفج ....

دخلته لغرفة النوم فتحه العلاكه طلع منها بطل
كلي جيبيلي كلاص ودولكة مي ..
انه جبتله شو هذا يخلي من البطل مدري شنو لونه مثل المي ..
من يدير عليه المي ..يصير لبن ...
صحت يمه شني هذا ..
...ههههه لبن ..
...يا لبن شني شفتني هبله كدامك بت عرب وعرف اللبن ...
.....كال انتي ما تعرفين لبن العرب ولبن اللولايه..
...هاي شني ادور ...
....اكعدي يمي واني اعلمج كل دروب اللولايه ..
...هاج ضوكي شويه منه ....
.....شربتلي مجعه ...مررر شحط بلعومي ..
هذا مررر يلعب النفس ..
...هاج هاي شويه روبه وخياره ...
....اختلف طعمه بحلكي ...وشويه شويه
بديت اروح بعالم ثاني كله وناسه وفرفشه
وركص ....
...كتله شسمه هذا اللبن ...
....اسمه مذهبات العقل ...
.....اي والله شلون يريح العقل ويفوخ الراس ..

شويه شويه خلصنا البطل وركصنا
ووكعنا اثنينا ع الجربايه ومن خلصنا بقيت نايمه بحضنه ...
عرفت عنده املاك واهله ناس معروفين وعنده بس بنيه ومربيتها عمتها ...وعايش وحده بيته...
فلوس وسفر وسيارات ....وخدم وحشم

وما يريد يتزوج لان يتقيد يريد يبقى يلعب براحته
اخذتنا... السوالف....سالته اذا انت عندك بس بنيه ليش يندهولك ابو شامل ...كال اني ابويه اسمه شامل ومن تزوجت مرتي حبلت وصاحولي ابوشامل لان اذا صار عندي ولد اسمي على اسم الوالد ومشت عليه ابو شامل .... ونمت
ما حسيت على روحي الا الساعه ب 12 وثلث الظهر
الغرفه صايره هوسه
وابو شامل ماكو رحت للحمام ذبيت من راسي
تعبانه ..وجع ولعبان نفس تسبحت وسويت جاي مهيل وارتاحيت شويه ...
دخلت حجرتي نظفتها ونظفت ميز التسريحه
لكيت ابو شامل مخليلي كلاده ذهب حلوه وجبيره
ع الميز ....