(Unicode)
ညကတဖြည်းဖြည်းနက်လာပြီ...
ဟော့ဝပ်ကျောင်းကြီးတစ်ခုလုံးတိတ်ဆိတ်ပြီးတောကြီးထဲကတိရစ္ဆာန်များ၏ တကျွတ်ကျွတ် အသံမှတပါး အကုန်အိပ်မောကျနေသည်ဟု ထင်ရသည်။
သို့သော် ဟယ်ရီ၏စာကြည့်ခုံလေးကတော့ မီးလင်းလျက်...။
"Tom Riddle..."ဟူသောနာမည်ကိုနှုတ်ဖျားမှရေရွတ်ကာ မနက်ကတွေ့ခဲ့သောစာအုပ်အဖုံးကို ဖွင့်ကြည့်မိသည်။
စာရွက်ဝါဝါမှာ ဗလာအတိ။
ဟာမွန်နီကဟယ်ရီ့ထံမသိမ်းချင်ပါသော်လည်း ဟယ်ရီကစိတ်ချပါဟုအတန်တန်ပြောကာသိမ်းထားခြင်းဖြစ်သည်။
ထိုစာအုပ်သည် လျို့ဝှက်တံခါးမပွင့်ခင်အထိ သူတို့ဆီမှာမှန်း ဘယ်သူ့မှသိလို့မရ။
အန္တရာယ်ဆိုသည်မှာ ဘယ်ချိန်ဘယ်ခါလာမှန်း မသိရတာမို့ ပို၍သတိထားရမည်ပင်။
"Well...နည်းနည်းရေးကြည့်ရအောင်"
စာအုပ်ဘေးနားက မှင်တံကိုလက်ကထိမိသည်နဲ့တပြိုင်နက် စာရွက်ဝါဝါပေါ်တွင် ဟယ်ရီစာရေးချင်စိတ်ပေါ်လာသည်။
သူများစာအုပ်ဖြစ်ပါစေမူ သူ့ရဲ့စပ်စုချင်စိတ်ကိုတော့ ဘယ်အရာမှတားမရ။
"Hello...My name's Harry Potter"
လက်ရေးလက်သားသပ်ရပ်စွာ ရေးလိုက်မိသော မှင်ရည်သည် အရောင်လှပစွာထွက်လာသောကြောင့် ပြုံးမိနေခိုက် တဖြည်းဖြည်းအရောင်ရော့ကာ ပျောက်ကွယ်သွားပြီးနောက်..
"Hi..Harry potter! I'm Tom Riddle.. "
ဟူသော လက်ရေးသည် အရောင်တောက်ကာ ပေါ်လာတော့သည်။
ဟယ်ရီသည် စာအုပ်ကိုမျက်တောင်မခတ်စိုက်ကြည့်နေရင်း...စူးရှသောအလင်းသည် သူ့မျက်ဝန်းထဲဖောက်ဝင်ကာ...
ကလေးတစ်ယောက်၊နောက်ပြီး ပါမောက္ခ ဒမ်ဘယ်ဒေါလ်...
အခန်းကျဥ်းတစ်ခုထဲတွင်စကားပြောလို့နေသည်။ဟယ်ရီ့ကိုတော့မြင်သည့်ပုံမပေါ်။
နောက်တစ်နေရာ..ပါမောက္ခဆလပ်ဟွန်းနဲ့အတူရှိနေတဲ့ ခပ်ချောချောကျောင်းသားတစ်ယောက်..။
"Good Job...Tom"
ပါမောက္ခဆလပ်ဟွန်း၏ချီးကျူးသံကြောင့် ပြုံးလျက်ရှိသော ထိုကျောင်းသားကိုဟယ်ရီ ကြည့်လိုက်မိသည်။
အဲ့ဒါ Tom Riddle ပဲ...။
