نسر وثلاث نجوم

الفصل التاسع عشر

*نسر وثلاث نجوم*
*الفصل التاسع عشر*

-في نفق تحت الارض بصحراء سيناء الحبيبه يسير احدهم وبيده مصباح قديم ينير به الطريق ليري ما حوله

-كمال وهو يقف في استقباله: متخيلتش ان يوم ما نتقابل هنتقابل هنا

-نصر: ضحك علي واستفغلني ولد الجنيدي الله يحرجه بس وديني ما هسيبه

-كمال: انا حذرتكم منه وانتو مسمعتوش كلامي قولتلك متستهونش بزيدان دا ميقلش عن اخوه حاجه دا يمكن عمر بجبروته دا كله اهون منه

-ضحك نصر باستهزاء: اهون من مين ياخينا انت،، اللي بتتحدت عنه ده خد كل حاجه من يونس وعنايات خلاهم عالحديده دا الراجل بيتحدت ويا روحه في الشوارع عالنصيبه اللي هو فيها

-كمال باندهاش: يانهار ابوه اسود طب ويونس وعنايات هيعوضوا خسارتهم دي ازاي

-نصر وهو يجلس: عنايات خسارتها مجدور عليها كانت مأمنه روحها معايا انما يونس وجع ومحدش سمي عليه،، الراجل الكبير خلاص سحب يده من عليه
..............
-ارتشفت زينات كوب الماء وهي تكمل حديثها مع صفيه: دخلت الست نوران اوضة مكتبه وخدت منيها كل حاجه وبعد ما جفلت الباب وواجفين نتحدت انا وهي لجينا العجربه اللي اسمها نعمه في وشنا
-اني مشوفتش وشها بس اول ماسمعت صوتها محستش بالدنيا من حوليا ووجعت محطتش منطج من الخضه ياست صفيه

-صفيه بحماس وتساؤل: وبعدين يابت كملي

-زينات: فوجت لجيت الست نوران جاري وجالتلي انها اتعاركت ويا نعمه وجالتلها كانت مخنوجه وعاوزة تخرج الجنينه تشم شوية هوا بس خافت تخرج لحالها وصحتني اخرج وياها

-صفيه بنصف عين: ونعمة صدجت

-زينات: ماهي الست نوران خدتها في دوكه واتعاركت وياها عشان تلهيها عن الموضوع ده ومتركزش فيه جوي

-فاطمه بتساؤل: طب ونوران فين دلوقتي يا زينات

-زينات بارتباك: مخبراشي، ماهو المفروض كانت هي وسي زيدان بيه وسي يحيي بيه يكونوا اهنه من بدري

-نظرت صفيه وفاطمه لبعضهم بحيرة: يعني ايه مفروض يكونوا هنا

- كان زياد يجلس يتابع الحوار بصمت تام وفهم علي الفور ان زيدان لن يفعل شئ كهذا دون علم عمر

-ربط بين غياب عمر من صباح ليلة امس وما قصته تلك الزينات عليهم: كدا في إن في الموضوع

-زياد بهدوء ظاهري يخالف ما بداخله: محدش يتكلم قدام بابا في حاجه لحد ما نعرف ايه اللي حصل مش عايزين نقلقه عالفاضي

ثم انسحب من بينهم الي غرفته وبيده هاتفه اتصل علي زيدان ويحيي ولكن الهواتف غير متاحه فعزم الاتصال بعمر
......………
دلفت الممرضه غرفة زيدان لتتابع المحاليل والاجهزة وان كل شئ يسير علي ما يرام