*نسر وثلاث نجوم*
*الفصل السادس*
ننتظر أن تمر الايام سريعا نريد أن نعلم نهاية المطاف لكن اثناء الانتظار ننسي ان هذه الايام التي تمضي تسرق من اعمارنا عددها
فجر يوم الثلاثاء
في سيارة يحيي امام عجلة القيادة وبجانبه يجلس زيدان وفي الخلف محمد
- محمد وهو يشعل سيجارة ويفتح علبة عصير: هو فاضل قد ايه انا جوعت
- يحيي بضحك: انت ناقص تاكلنا وبتقول جعان
- ليخرج زيدان ايضا علبة سجائره ويعزم علي يحيي وهو يضحك: اموت واعرف انت بتودي الاكل دا كله فين
- يحيي: عامة في ريست جاي كمان نص ساعة ابقي انزل هاتلنا ساندوتشات علي مانوصل لسه فاضل اربع ساعات
........................
المرادي العريس ميترفضش ده ابن عيلة المنياوي واحنا لنا معاه مصالح كتير لزمن تجنعيها
- عنايات: بس البت راكبه راسها يا يونس كل ما يتجدملها حد ترفضه
-تأتي نوران من خلفهم: خير ياجماعه بعتولي انزل
-يونس: تعالي جاري اهنه يابت اخوي الغالي
- ارتسم الحزن علي ملامح نوران بمجرد ذكر سيرة والدها فهو توفي قبل ان تري عيناه حتي
-عنايات بنبرة عاديه تخالطها نبرة عزم : جايلك عريس يابت بطني والمرادي هتوافجي إن شاء الله
-نوران وهي تبتسم بسخريه: يعني ايه المرادي هتوافقي، بالغصب يعني ولا ايه
-يونس بمهادنه وهو يربت علي كتفها ويوجه حديثه لعنايات: محدش يجدر يغصبك علي حاجه الحديت اخد وعطا يا عنايات صبرك بالله
-نوران وقد هدأت نوعا ما بعد حديث عمها: ويطلع مين بقي عريس الغفلة
-يونس: ده نصر ولد المنياويه
- نوران بانفعال: يا نهار اسود ومنيل عايزين تجوزوني لواحد ابوه قتل ابويا
-يونس ومازال يتصنع الود لابنة اخيه: ماهي الجوازه دي هتكمل الصلح بيناتنا وبيناتهم ونجفل علي سيرة الطار ده اللي ضاع فيه كتير
-نوران وهي تنهض من مكانها: الموضوع دا تنسوه نهائي
-عنايات وهي تلف خصل شعر نوران حول كفها: الظاهر اني دلعتك بزيادة يابت بطني وجيه وجت ربايتك من جديد
حاول يونس التدخل ولكن نهرته عنايات: اسكت انت ملكش صالح بتي وانا هربيها
بلغ الجماعه اننا موافجين وهنعمل جلسه عرفيه جدام الكوبرات كلهم عالسبوع الجاي ده نتفجوا علي كل حاجه
................................
- زيدان: قولي بقي يا يحيي مين شريك كمال اللي ظهر فجأة دا
-يحيي وهو يبتلع ما في فمه: دا واحد من عندنا من البلد اسمه نصر المنياوي مظهرش فجأة ولا حاجه انا ماسك الملف بتاعه من زمان وعارف انه بيتاجر في السلاح هو وهيلته كلها من جذور جذورهم
بس مكناش عارفين نمسك عليه حاجه والمفاجئه كانت في شراكته لكمال نفسه
أنت تقرأ
نسر وثلاث نجوم
Romantizm*الاصل صعيدي والعرق صعيدي وان كنت تريد معرفة حقيقة شخص فكما يقال عالاصل دَور* اشتعلت النار في القلوب ولا احد يعرف من اين اشتعلت ولا احد يقدر علي اخمادها انها الحرب الخفيه تحت ارضين الارض الثالثه حيث بدأت من جدود الجد الاكبر فهل يمكن لعظمة الحب أن تن...
